قازاقستاندا 2027-2029 جىلدارى اقىلى اۆتوموبيل جولدارىمەن جٷرۋ تاريفتەرٸن كەزەڭ-كەزەڭٸمەن كٶتەرۋ جوسپارلانىپ وتىر. جەڭٸل كٶلٸكتەر مەن سالماعى 10 تونناعا دەيٸنگٸ جٷك كٶلٸكتەرٸ ٷشٸن تٶلەم 30 پايىزعا دەيٸن, ال 10 توننادان اۋىر جٷك كٶلٸكتەرٸ ٷشٸن 50 پايىزعا دەيٸن ٶسۋٸ مٷمكٸن. بۇل تۋرالى «اتامەكەن» ۇلتتىق كەسٸپكەرلەر پالاتاسى مەلٸمدەدٸ, دەپ حابارلايدى dalanews.kz.
كٶلٸك مينيسترلٸگٸ تاريفتەردٸ جاڭارتۋ جوسپارىن بەكٸتكەن. ٶزگەرٸستەر كٶلٸكتٸڭ بارلىق ساناتىنا قاتىستى بولادى. تٶلەم مٶلشەرٸ كٶلٸك تٷرٸنە قاراي سارالانىپ, جىل سايىن كەزەڭ-كەزەڭٸمەن قايتا قارالماق.
كٶلٸك مينيسترلٸگٸنٸڭ تٷسٸندٸرۋٸنشە, تاريفتەردٸ كٶتەرۋ اقىلى جولداردى كٷتٸپ ۇستاۋ, پايدالانۋ جەنە ولاردىڭ تەحنيكالىق جاعدايىن تيٸستٸ دەڭگەيدە ساقتاۋ ٷشٸن قاجەت. جينالعان قاراجات جول ينفراقۇرىلىمىن جٶندەۋ مەن كٷتٸپ ۇستاۋعا باعىتتالۋى تيٸس.
الايدا «اتامەكەن» كەسٸپكەرلەر پالاتاسى تاريفتەردٸڭ ٶسۋٸ جٷك تاسىمالى, لوگيستيكا جەنە ساۋدا سالاسىنا قوسىمشا سالماق تٷسٸرۋٸ مٷمكٸن ەكەنٸن ەسكەرتتٸ. پالاتا ٶكٸلدەرٸنٸڭ پٸكٸرٸنشە, جول اقىسىنىڭ قىمباتتاۋى تاسىمال قۇنىنىڭ ٶسۋٸنە, كەسٸپكەرلەردٸڭ شىعىندارىنىڭ ارتۋىنا, سونىڭ سالدارىنان تاۋارلار مەن قىزمەتتەردٸڭ باعاسىنا ەسەر ەتۋٸ ىقتيمال.
وسىعان بايلانىستى «اتامەكەن» تاريفتەردٸ قايتا قاراۋ كەزٸندە بيزنەس ٶكٸلدەرٸمەن اشىق ديالوگ جٷرگٸزٸپ, شەشٸمنٸڭ ەكونوميكالىق سالدارىن الدىن الا باعالاۋ قاجەت دەپ سانايدى. پالاتا جاڭا تاريفتەر ەكونوميكالىق تۇرعىدان نەگٸزدەلگەن, كەزەڭ-كەزەڭٸمەن ەنگٸزٸلەتٸن جەنە الدىن الا بولجاناتىن بولۋى كەرەكتٸگٸن اتاپ ٶتتٸ. تٶلەم مٶلشەرٸن بەلگٸلەۋ كەزٸندە كٶلٸكتٸڭ ساناتى مەن تەحنيكالىق سيپاتتامالارى, اقىلى جول ۋچاسكەلەرٸنٸڭ قانشالىقتى جيٸ پايدالانىلاتىنى جەنە قوسىمشا شىعىنداردىڭ كٶلٸك-لوگيستيكا سالاسىنا ەسەرٸ ەسكەرٸلۋٸ تيٸس.
سونىمەن قاتار كەسٸپكەرلەر پالاتاسى اقىلى جولدار جەلٸسٸن دامىتۋ تەك تاريفتەردٸ كٶتەرۋ ەسەبٸنەن جٷزەگە اسپاۋى كەرەك ەكەنٸن جەتكٸزدٸ. جينالعان قاراجاتتىڭ اشىق جۇمسالۋى, جول ساپاسىنىڭ جاقسارۋى جەنە ينفراقۇرىلىمدى كٷتٸپ ۇستاۋ تيٸمدٸلٸگٸنٸڭ ارتۋى دا ماڭىزدى.
