قازاقستاندا ەلەۋمەتتٸك ماڭىزى بار ازىق-تٷلٸك ٶنٸمدەرٸنٸڭ باعاسى ٶسٸپ كەلەدٸ, دەپ حابارلايدى Dalanews.kz.
ۇلتتىق ستاتيستيكا بيۋروسىنىڭ مەلٸمەتٸنشە, 2025 جىلدىڭ 22 شٸلدەسٸندەگٸ جاعداي بويىنشا بۇل تاۋارلاردىڭ باعاسى بٸر اپتادا 0,1 پايىزعا, ال جىل باسىنان بەرٸ 7,8 پايىزعا ارتقان.
15–22 شٸلدە ارالىعىندا ەل بويىنشا ايتارلىقتاي قىمباتتاعان ٶنٸم – قىرىققابات. ونىڭ ورتاشا باعاسى 2,9 پايىزعا ٶسٸپ, كيلوگراممى 198 تەڭگەگە جەتكەن. ەكٸنشٸ ورىندا تاۋىق ەتٸ. ونىڭ باعاسى 0,8 پايىزعا ارتىپ, 1441 تەڭگە/كگ بولدى. ال ٷشٸنشٸ ورىندا سارى ماي مەن قاراقۇمىق: تيٸسٸنشە 0,6 پايىزعا ٶسٸپ, باعاسى 4690 تەڭگە/كگ جەنە 208 تەڭگە/كگ بولدى.
سونىمەن قاتار كٷنباعىس مايى مەن سيىر ەتٸنٸڭ باعاسى دا ٶسكەن – ليترٸ 824 تەڭگە, ال كيلوگراممى 2998 تەڭگە بولدى.
باعاسى سەل دە بولسا كٶتەرٸلگەن ٶزگە ٶنٸمدەر قاتارىندا بيداي ۇنى, ۆەرميشەل, قىرىققابات, قۇمشەكەر مەن تۇز بار. بۇل تاۋارلار 0,1 پايىزعا قىمباتتاپ, سەيكەسٸنشە: 222 تەڭگە/كگ, 311 تەڭگە/كگ, 198 تەڭگە/كگ, 493 تەڭگە/كگ جەنە 82 تەڭگە/كگ بولدى.
مامانداردىڭ ايتۋىنشا, ەلەۋمەتتٸك ماڭىزى بار ازىق-تٷلٸكتٸڭ ٷزدٸكسٸز قىمباتتاۋى تۇرعىنداردىڭ قالتاسىنا سالماق سالۋدا.
ەسكە سالايىق, بۇعان دەيٸن Halyk Finance ساراپشىلارى ماۋسىم ايىندا كٷتپەگەن جەردەن ازىق-تٷلٸككە جاتپايتىن تاۋارلار قاتتى قىمباتتاعانى تۋرالى ايتقان ەدٸ.
"بۇل فاكتور بٸزدٸ جىلدىق ينفلياتسييالىق بولجامدى جوعارلاتۋ تۇرعىسىندا قايتا قاراۋعا مەجبٷر ەتتٸ: مامىردا ساراپشىلار بۇل كٶرسەتكٸش 10% بولادى دەپ بولجاعان, ەندٸ دياپازون 10-11% ارالىعىنا جىلجىپ, شىندىققا جاقىنى 11%-دى قۇراپ وتىر", - دەيدٸ Halyk Finance تالداۋ ورتالىعىنىڭ اعا ساراپشىسى ارسىلان ارونوۆ.
ماۋسىمداعى ينفلياتسييانىڭ ەڭ كٶپ ٶسكەن سەگمەنتٸ – ازىق-تٷلٸك: جىلدىق ٶسٸم 9,6%-دان 10,6%-عا جەتتٸ.
ازىق-تٷلٸككە جاتپايتىن تاۋارلار – 9,4% (مامىردا – 9,0%), اقىلى قىزمەتتەر – 16,1% (مامىردا – 16,0%) ٶستٸ.
"ەسٸرەسە, ازىق-تٷلٸك باعاسىنىڭ جازدا دا بەسەڭدەمەۋٸ توسىن جاعداي بولدى (!). ەدەتتە, جازدا بۇل كٶرسەتكٸش نٶلگە جاقىندايتىن", - دەيدٸ مامان.
ماۋسىمدا ينفلياتسيياعا ەڭ ٷلكەن ٷلەس قوسقان – اقىلى قىزمەتتەر (4,62 پايىزدىق پۋنكت), ەكٸنشٸ ورىندا – ازىق-تٷلٸك (4,39 پ.پ.), ٷشٸنشٸ – ازىق-تٷلٸككە جاتپايتىن تاۋارلار (2,83 پ.پ.).
"ازىق-تٷلٸك باعاسىنىڭ تۇراقتاماۋىنا رەسەيدەن كەلەتٸن يمپورتقا تەۋەلدٸلٸك ەسەر ەتكەن بولۋى كەرەك دەپ ويلايمىز. بۇل ەلدەن ازىق-تٷلٸك تاسىمالى جالپى يمپورتتىڭ 31%-ىن قۇرايدى. ال رۋبلدٸڭ نىعايۋى (ماۋسىمدا – 6,54 تەڭگە, قاڭتاردا – 5,16 تەڭگە) رەسەيلٸك تاۋارلاردىڭ قىمباتتاۋىنا ەكەلٸپ سوعىپ وتىر. بٸز 2025 جىلدىڭ سوڭىندا رۋبل باعامى ەلسٸرەيدٸ, بۇل ٶز كەزەگٸندە ينفلياتسييانى بەسەڭدەتۋٸ مٷمكٸن دەپ بولجايمىز", - دەيدٸ ارونوۆ.
ازىق-تٷلٸككە جاتپايتىن تاۋارلاردىڭ قىمباتتاۋىنا بٸر جولعى – كوممۋنالدىق تاريفتەردٸڭ اقپان–سەۋٸر ايلارىنداعى ٶسۋٸ دە ەسەر ەتكەن.
قىزمەت سەكتورىندا ايلىق باعا ٶسٸمٸ دەنساۋلىق ساقتاۋ, دەمالىس پەن بٸلٸم بەرۋ سالالارىندا باياۋلاعان. بٸراق كٶلٸك پەن قوعامدىق تاماقتانۋ سالالارىندا باعا ارتتى. ايتا كەتەرلٸگٸ, بايلانىس قىزمەتتەرٸ بويىنشا باعا ماۋسىمدا 0,5%-عا تٶمەندەگەن.
"ال تەڭگە باعامى ماۋسىمدا 514,72 بولدى (قاڭتاردا – 524,67). ۇلتتىق قوردان بٶلٸنٸپ جاتقان ترانسفەرتتەر تەڭگەگە كٷش بەرۋدە. بۇل دا ينفلياتسييانى تەجەيتٸن فاكتور. ەلٸمٸزدە ينفلياتسييا دەڭگەيٸ ەلٸ دە جوعارى كٷيدە ساقتالىپ وتىر. ونىڭ قۇرىلىمى كٷردەلەنە تٷسۋدە. ازىق-تٷلٸك جازدا دا قىمبات بولىپ, ال تاۋار نارىعىنداعى باعا قىسىمى ەلسٸرەمەي تۇر. سوندىقتان بٸز جىل سوڭىندا ينفلياتسييا, الدىندا بولجاعانداي, 10% ەمەس, 11% شاماسىندا قالىپتاسادى دەپ بولجايمىز", - دەيدٸ Halyk Finance تالداۋ ورتالىعىنىڭ اعا ساراپشىسى ارسىلان ارونوۆ.
