قازاقستاندا 2035 جىلعا قاراي حالىقتى گازبەن قامتۋ دەڭگەيٸن قازٸرگٸ 64,2%-دان 80%-عا دەيٸن جەتكٸزۋ جوسپارلانىپ وتىر, دەپ حابارلايدى dalanews.kz.
بۇل تۋرالى ٷكٸمەت وتىرىسىندا ەنەرگەتيكا مينيسترٸ ەرلان اقكەنجەنوۆ مەلٸمدەدٸ.
مينيستردٸڭ ايتۋىنشا, پرەزيدەنت تاپسىرماسى اياسىندا گاز سالاسىن دامىتۋ ٷشٸن بيىل بٸرقاتار ماڭىزدى قۇجات قابىلداندى. اتاپ ايتقاندا, 24 ماۋسىمدا گازبەن جابدىقتاۋ جەنە ەلەكتر ەنەرگەتيكاسى مەسەلەلەرٸ بويىنشا زاڭعا قول قويىلدى. قۇجات گاز سالاسىنداعى مەملەكەتتٸك رەتتەۋدٸ جەتٸلدٸرۋگە, تاۋارلىق گازدى ٷنەمدٸ پايدالانۋعا, ەسەپكە الۋدى تسيفرلاندىرۋعا جەنە گاز ينفراقۇرىلىمى قۇرىلىسىنىڭ ساپاسىن ارتتىرۋعا باعىتتالعان.
اقكەنجەنوۆتٸڭ سٶزٸنشە, ٷكٸمەت 2025-2029 جىلدارعا ارنالعان گاز سالاسىن دامىتۋدىڭ كەشەندٸ جوسپارىن جەنە 2035 جىلعا دەيٸن كٶمٸرسۋتەك شيكٸزاتىنىڭ جاڭا پەرسپەكتيۆالى كەن ورىندارىن يگەرۋ جوسپارىن بەكٸتتٸ. بۇل قۇجاتتار جاڭا مۇناي-گاز كەن ورىندارىن يگەرۋگە, رەسۋرستىق بازانى ۇلعايتۋعا جەنە تابيعي گازعا ٶسٸپ كەلە جاتقان سۇرانىستى قامتاماسىز ەتۋگە مٷمكٸندٸك بەرەدٸ.
قازٸر جوسپار اياسىندا 30 جەر قويناۋى ۋچاسكەسٸ قاراستىرىلعان. QazaqGaz كومپانيياسىمەن توعىز كەلٸسٸمشارت جاسالعان. ونىڭ التاۋى بارلاۋ كەزەڭٸندە بولسا, ٷشەۋٸ ٶندٸرۋ كەزەڭٸنە ٶتكەن.
مينيستردٸڭ ايتۋىنشا, 2023-2025 جىلدارى اناباي, بارحاننايا, روجكوۆسكوە جەنە زاپادنايا پرورۆا كەن ورىندارى ٶنەركەسٸپتٸك پايدالانۋعا بەرٸلدٸ. ال 2027 جىلى زاپادنايا پرورۆا كەن ورنىنىڭ ەكٸنشٸ كەزەڭٸ, سونداي-اق مالدىباي, پريدوروجنوە جەنە ۋريحتاۋ كەن ورىندارىن ٸسكە قوسۋ جوسپارلانىپ وتىر.
2026 جىلعى 1 قاڭتارداعى جاعداي بويىنشا ەلدەگٸ گازداندىرۋ دەڭگەيٸ 64,2%-عا جەتكەن. قازٸر تابيعي گازعا 13,1 ميلليون ادام قول جەتكٸزٸپ وتىر.
بيىل گاز تاسىمالداۋ ينفراقۇرىلىمىن دامىتۋ بويىنشا 40 جوبا جٷزەگە اسىرىلادى. ونىڭ ٸشٸندە جەتٸ جوبا – ٶتپەلٸ, ال 33-ٸ – جاڭا جوبا.
سولتٷستٸك ٶڭٸرلەردٸ گازبەن قامتۋ ماقساتىندا قازاقستان ٷكٸمەتٸ مەن رەسەيدٸڭ «گازپروم» كومپانيياسى اراسىندا «يشيم – استانا» ماگيسترالدىق گاز قۇبىرىن سالۋ جٶنٸندەگٸ مەموراندۋمعا قول قويىلعان. مينيستردٸڭ ايتۋىنشا, بۇل جوبا استانا, كٶكشەتاۋ جەنە پەتروپاۆل قالالارىن تۇراقتى گازبەن قامتاماسىز ەتٸپ, ەلدٸڭ سولتٷستٸگٸنە گاز جەتكٸزۋ باعىتتارىن ەرتاراپتاندىرۋعا مٷمكٸندٸك بەرەدٸ.
ەرلان اقكەنجەنوۆتٸڭ مەلٸمەتٸنشە, 2025 جىلى قازاقستان ارقىلى 70,4 ملرد تەكشە مەتر گاز ترانزيتٸ جٷزەگە اسىرىلعان. بيىل بۇل كٶرسەتكٸشتٸ 73,3 ملرد تەكشە مەترگە جەتكٸزۋ جوسپارلانعان. ال العاشقى بەس ايدا ترانزيت كٶلەمٸ 30,3 ملرد تەكشە مەتردٸ قۇرادى.
مينيستردٸڭ ايتۋىنشا, 2032 جىلعا قاراي تاۋارلىق گاز ٶندٸرٸسٸ 27,4 ملرد تەكشە مەتردەن 35,5 ملرد تەكشە مەترگە دەيٸن ٶسەدٸ. بۇل 2025 جىلعى دەڭگەيمەن سالىستىرعاندا شامامەن 29,6%-عا جوعارى.
ٶسٸم قاشاعان مەن قاراشىعاناقتاعى گاز ٶڭدەۋ زاۋىتتارىنىڭ ٸسكە قوسىلۋى جەنە جاڭا جوبالاردىڭ جٷزەگە اسىرىلۋى ەسەبٸنەن قامتاماسىز ەتٸلەدٸ. اتاپ ايتقاندا, 2027 جىلى قاشاعانداعى قۋاتى جىلىنا 1 ملرد تەكشە مەتر بولاتىن گاز ٶڭدەۋ زاۋىتى مەن جاڭاٶزەندەگٸ 0,9 ملرد تەكشە مەترلٸك قازاق گاز ٶڭدەۋ زاۋىتى پايدالانۋعا بەرٸلەدٸ. ال 2030 جىلعا قاراي قاشاعانداعى 2,5 ملرد تەكشە مەترلٸك جەنە قاراشىعاناقتاعى 5 ملرد تەكشە مەترلٸك جاڭا گاز ٶڭدەۋ زاۋىتتارىن ٸسكە قوسۋ كٶزدەلگەن.
مينيستر گاز سالاسىن تسيفرلاندىرۋعا دا ەرەكشە توقتالدى. ونىڭ ايتۋىنشا, Aqyl Energy جوباسى اياسىندا بٷگٸندە 49 مىڭ سمارت-ەسەپتەگٸش جەتكٸزٸلگەن. جالپى جوبا 1 ملن 352 مىڭ گاز ەسەپتەۋ قۇرالىن قامتيدى.
سونىمەن قاتار QazaqGaz Aimaq كومپانيياسى تۇتىنۋشىلارعا گاز ەسەپتەگٸش كٶرسەتكٸشتەرٸن ونلاين جٸبەرۋگە مٷمكٸندٸك بەرەتٸن تسيفرلىق سەرۆيستٸ ٸسكە قوستى. قىزمەت ەسەپتەگٸشتٸڭ فوتوسىن اۆتوماتتى تٷردە تانىپ, تٶلەمدەر, بەرەشەك جەنە گاز تۇتىنۋ تۋرالى اقپاراتتى ناقتى ۋاقىت رەجيمٸندە كٶرسەتۋگە مٷمكٸندٸك بەرەدٸ.
مينيستردٸڭ ايتۋىنشا, گازعا قوسىلۋعا ارنالعان تەحنيكالىق شارتتاردى الۋ رەسٸمٸ دە تولىق تسيفرلاندىرىلعان. ەندٸ ازاماتتار مەن كەسٸپكەرلەر ٶتٸنٸمدٸ eGov پورتالى نەمەسە eGov Mobile قوسىمشاسى ارقىلى ونلاين بەرە الادى. بۇل قاعاز قۇجات اينالىمىن ازايتىپ, مەملەكەتتٸك قىزمەتتٸڭ اشىقتىعىن ارتتىرۋعا جەنە سىبايلاس جەمقورلىق تەۋەكەلدەرٸن تٶمەندەتۋگە مٷمكٸندٸك بەرگەن.
سونداي-اق بٷگٸنگٸ تاڭدا ەلٸمٸزدەگٸ گاز تاراتۋ جەلٸلەرٸنٸڭ 91%-ى نەمەسە 65 مىڭ شاقىرىمى, ال تۇتىنۋشىلاردىڭ 93%-ى تسيفرلىق بازاعا ەنگٸزٸلگەن.
مينيستردٸڭ سٶزٸنشە, ەنەرگەتيكا مينيسترلٸگٸ مەملەكەت باسشىسى جٷكتەگەن بارلىق تاپسىرمانىڭ ورىندالۋىن تۇراقتى باقىلاۋدا ۇستاپ وتىر.
