قازاقستان حالقىنىڭ باسىم بٶلٸگٸ ينتەرنەتكە قوسىلعانىمەن, ەلدە ەلٸ دە جەلٸنٸ پايدالانبايتىن 1,4 ميلليونعا جۋىق ادام بار. بۇل حالىقتىڭ 6,6 پايىزىنا تەڭ. مۇنداي مەلٸمەت DataReportal حالىقارالىق اناليتيكالىق پلاتفورماسىنىڭ 2026 جىلعى 5 قاراشادا جارييالانعان Digital 2027: Kazakhstan ەسەبٸندە كەلتٸرٸلگەن, دەپ حابارلايدى dalanews.kz.
زەرتتەۋ اۆتورلارى 2026 جىلعى قازانداعى جەنە وعان دەيٸنگٸ كەزەڭدەردەگٸ دەرەكتەردٸ سارالاعان. تالداۋ بارىسىندا حالىقارالىق ەلەكتر بايلانىسى وداعىنىڭ, GSMA Intelligence, Ookla جەنە ەلەۋمەتتٸك جەلٸلەردٸڭ جارنامالىق قۇرالدارىنداعى مەلٸمەتتەر پايدالانىلعان.
"2026 جىلعى قازاندا قازاقستانداعى ينتەرنەت قولدانۋشىلار سانى 19,7 ميلليون ادامعا جەتتٸ. بۇل ەل حالقىنىڭ 93,4 پايىزىن قۇرايدى", – دەلٸنگەن ەسەپتە.
بٸر جىل ٸشٸندە جەلٸ قولدانۋشىلارىنىڭ قاتارى 221 مىڭ ادامعا, ياعني 1,1 پايىزعا ارتقان. الايدا ينتەرنەتپەن قامتىلعان تۇرعىنداردىڭ جالپى ٷلەسٸ ٶزگەرمەي, بۇرىنعى 93,4 پايىز دەڭگەيٸندە قالعان.
سونىمەن قاتار زەرتتەۋدە ينتەرنەتتٸ مٷلدە پايدالانبايتىن تۇرعىنداردىڭ ناقتى سەبەبٸ كٶرسەتٸلمەگەن. سوندىقتان ولاردىڭ جەلٸگە تەحنيكالىق مٷمكٸندٸك بولماعاندىقتان قوسىلماي جٷرگەنٸ نەمەسە ينتەرنەتتەن ٶزگە سەبەپتەرمەن باس تارتقانى بەلگٸسٸز.
قازاقستانداعى موبيلدٸ بايلانىس سانى حالىق سانىنان دا اسىپ تٷسكەن. قازٸر ەلدە 28,4 ميلليون بەلسەندٸ موبيلدٸ قوسىلىم بار. بۇل حالىق سانىنىڭ 134 پايىزىنا سەيكەس كەلەدٸ. بٸر جىلدا ولاردىڭ سانى 712 مىڭعا كٶبەيگەن.
"موبيلدٸ قوسىلىم سانىنىڭ تۇرعىندار سانىنان كٶپ بولۋى بٸر ادامنىڭ بٸرنەشە SIM-كارتا نەمەسە eSIM پايدالانۋىمەن بايلانىستى. ونىڭ ٷستٸنە بارلىق موبيلدٸ قوسىلىم ينتەرنەتكە كٸرۋگە ارنالماعان", – دەپ تٷسٸندٸرەدٸ زەرتتەۋ اۆتورلارى.
