قازاقستان ۇلتتىق بانكى 2025 جىلى التىن قورىن بەلسەندى تۇردە تولىقتىرعان الەمدەگى جەتەكشى ورتالىق بانكتەردىڭ قاتارىنا ەندى. جىل قورىتىندىسى بويىنشا بانك 57 توننا التىن ساتىپ الىپ، الەمدىك رەيتينگتە ەكىنشى ورىنعا شىقتى. بۇل دەرەكتەردى دۇنيەجۇزىلىك التىن كەڭەسى جاريالادى، دەپ حابارلايدى Dalanews.kz.
التىن ساتىپ الۋ كولەمى بويىنشا كوشباسىندا پولشا تۇر. ولار ءبىر جىلدا ءوز رەزەرۆىن 103 تونناعا ۇلعايتقان.
جالپى 2025 جىل الەمدىك التىن نارىعى ءۇشىن رەكوردتىق كەزەڭگە اينالدى. ورتالىق بانكتەردىڭ التىن ساتىپ الۋ كولەمى، بيرجادان تىس مامىلەلەردى قوسا ەسەپتەگەندە، 5 مىڭ توننادان استى.
جوعارى سۇرانىس سالدارىنان التىن باعاسى جىل ىشىندە 53 رەت تاريحي ماكسيمۋمدى جاڭارتىپ، جىل سوڭىندا شامامەن 45 پايىز ءوستى.
