قازاقستان سەربييادان ساتىپ الىنعان قارۋ-جاراق پەن ەسكەري تەحنيكانى ٷشٸنشٸ مەملەكەتكە قايتا ساتقىسى كەلسە, باستاپقى جەتكٸزۋشٸ ەلدٸڭ كەلٸسٸمٸن الۋعا مٸندەتتٸ, دەپ dalanews.kz تٸلشٸسٸ Ulysmedia.kz سايتىنا سٸلتەمە جاساپ حابارلايدى.
بۇل مەسەلە 16 قىركٷيەكتە قۇرىلتاي وتىرىسىندا قازاقستان مەن سەربييا اراسىنداعى ەسكەري-تەحنيكالىق ىنتىماقتاستىق تۋرالى كەلٸسٸمدٸ راتيفيكاتسييالاۋ جوباسىن تالقىلاۋ كەزٸندە كٶتەرٸلدٸ. قۇجات بٸرٸنشٸ وقىلىمدا ماقۇلداندى.
دەپۋتات ايجان ايماعانوۆا كەلٸسٸمدەگٸ ەكٸ تالاپقا نازار اۋداردى. ونىڭ بٸرٸندە قارۋ-جاراق پەن ەسكەري تەحنيكانى ٷشٸنشٸ ەلگە بەرۋ ٷشٸن ەكٸنشٸ تاراپتىڭ الدىن الا جازباشا كەلٸسٸمٸ قاجەت ەكەنٸ كٶرسەتٸلگەن. ال ەكٸنشٸ تارماقتا ەكسپورتتىق باقىلاۋ ەر مەملەكەتتٸڭ ۇلتتىق زاڭناماسىنا سەيكەس جٷرگٸزٸلەتٸنٸ جازىلعان.
وسىعان بايلانىستى دەپۋتات قازاقستان ٶز زاڭناماسى بويىنشا ەكسپورتقا رۇقسات العان جاعدايدا دا باستاپقى جەتكٸزۋشٸدەن قايتادان كەلٸسٸم الۋ قاجەت پە دەگەن سۇراق قويدى.
قورعانىس مينيسترٸنٸڭ ورىنباسارى شايح-حاسان جازىقباەۆتىڭ تٷسٸندٸرۋٸنشە, مۇنداي جاعدايدا باستاپقى ٶندٸرۋشٸ نەمەسە جەتكٸزۋشٸ تاراپتىڭ كەلٸسٸمٸ بەرٸبٸر قاجەت.
ياعني قازاقستاندا ەكسپورتقا رۇقسات بولعاننىڭ ٶزٸندە, سەربييادان الىنعان قارۋ-جاراق پەن ەسكەري تەحنيكانى ٷشٸنشٸ مەملەكەتكە بەرۋ نەمەسە قايتا ساتۋ ٷشٸن سەرب تاراپىنىڭ جەكە كەلٸسٸمٸ تالاپ ەتٸلەدٸ.
كەلٸسٸم ەسكەري ماقساتتاعى ٶنٸمدەردٸ ٶزارا جەتكٸزۋ, قارۋ-جاراق پەن ەسكەري تەحنيكانى جٶندەۋ جەنە تەحنيكالىق قىزمەت كٶرسەتۋ, تەحنولوگييالار ترانسفەرٸ, بٸرلەسكەن زەرتتەۋلەر مەن سىناقتار جٷرگٸزۋ سيياقتى باعىتتاردى قامتيدى.
قورعانىس مينيسترلٸگٸنٸڭ مەلٸمەتٸنشە, قازاقستاننىڭ قازٸرگٸ تاڭدا 15-تەن استام مەملەكەتپەن ەسكەري-تەحنيكالىق ىنتىماقتاستىق تۋرالى ۇقساس كەلٸسٸمدەرٸ بار.
