قازاقستاننىڭ ەدٸلەت مينيسترلٸگٸ قاشاعان كەن ورنىن يگەرۋشٸ North Caspian Operating Company (NCOC) كونسورتسيۋمىنىڭ حالىقارالىق اربيتراج ارقىلى كٶپ ميللياردتىق ەكولوگييالىق ايىپپۇلدى ٶندٸرٸپ الۋدى توقتاتۋ ەرەكەتٸنە قاتىستى مەلٸمدەمە جاسادى, دەپ حابارلايدى dalanews.kz.
ۆەدومستۆونىڭ حابارلاۋىنشا, يۋنسيترال كوممەرتسييالىق اربيتراجىنىڭ ارالىق شەشٸمٸ قازاقستان اۋماعىندا اۆتوماتتى تٷردە زاڭدى كٷشٸنە ەنبەيدٸ جەنە قازاقستاندىق سوتتاردىڭ زاڭدى كٷشٸنە ەنگەن شەشٸمدەرٸنٸڭ كٷشٸن جويا المايدى.
مينيسترلٸك قاشاعان وپەراتورىنا كٷكٸرتتٸ بەلگٸلەنگەن نورمادان ارتىق كٶلەمدە ساقتاعانى ٷشٸن سالىنعان ايىپپۇلدى ەرٸكتٸ تٷردە ٶتەۋ مەرزٸمٸ 20 شٸلدەدە اياقتالاتىنىن ەسكە سالدى. ەگەر وسى ۋاقىتقا دەيٸن قاراجات بيۋدجەتكە تٷسپەسە, مەملەكەت ايىپپۇلدى مەجبٷرلەپ ٶندٸرٸپ الۋ رەسٸمٸن باستاپ, نەگٸزگٸ سوماعا قوسا 10 پايىز كٶلەمٸندە قوسىمشا سانكتسييا قولدانادى.
سونىمەن قاتار ەدٸلەت مينيسترلٸگٸ يۋنسيترال تريبۋنالى ينۆەستيتسييالىق اربيتراج بولىپ سانالمايتىنىن اتاپ ٶتتٸ.
مينيسترلٸكتٸڭ تٷسٸندٸرۋٸنشە, بۇل اربيتراجدىڭ ٶكٸلەتتٸگٸ تەك كوممەرتسييالىق-قۇقىقتىق داۋلاردى قاراۋمەن شەكتەلەدٸ جەنە مەملەكەتتٸڭ ەگەمەن قۇقىقتارى مەن مەملەكەتتٸك ٶكٸلەتتٸكتەرٸنە قاتىستى شەشٸم قابىلداۋعا قۇزىرەتٸ جوق.
سونداي-اق شەتەلدٸك قامتاماسىز ەتۋ شارالارى قازاقستاندا مٸندەتتٸ تٷردە وتاندىق سوتتاردىڭ تانۋ رەسٸمٸنەن ٶتۋٸ قاجەت. الايدا بۇل جاعدايدا مۇنداي رەسٸم جٷرگٸزٸلمەگەن.
وسىعان بايلانىستى مينيسترلٸك مەملەكەتتٸك ورگاندار كوممەرتسييالىق اربيتراجدىڭ ارالىق شەشٸمدەرٸن ورىنداۋ ٷشٸن قولدانىستاعى زاڭنامانى اينالىپ ٶتپەيتٸنٸن جەنە قورشاعان ورتانى قورعاۋ مەسەلەسٸندە ۇلتتىق مٷددەنٸ باسشىلىققا الاتىنىن مەلٸمدەدٸ.
بۇدان بٶلەك, ۆەدومستۆو NCOC-تٸڭ اربيتراج پروتسەسٸنٸڭ ەگجەي-تەگجەيٸن بۇقارالىق اقپارات قۇرالدارى ارقىلى جارييالاعانىن سىنعا الدى. مينيسترلٸكتٸڭ پٸكٸرٸنشە, مۇنداي ەرەكەت حالىقارالىق اربيتراجدىڭ قۇپييالىق قاعيداتىنا قايشى كەلەدٸ جەنە ٸستٸڭ وبەكتيۆتٸ قارالۋىنا كەرٸ ەسەر ەتۋٸ مٷمكٸن.
