قىتايدىڭ بەيجٸڭ قالاسىندا ٶتكەن قازاقستان-قىتاي ٸسكەرلٸك كەڭەسٸنٸڭ وتىرىسىندا ەلٸمٸزدەگٸ ەڭ ٸرٸ كٷن ەلەكتر ستانتسييالارىنىڭ بٸرٸن تٷركٸستان وبلىسىندا سالۋ تۋرالى كەلٸسٸمگە قول قويىلدى,- دەپ حابارلايدى Dalanews.kz
مەملەكەت باسشىسى قاسىم-جومارت توقاەۆ بەيجٸڭدە China Energy Engineering Group كومپانيياسىنىڭ باس ديرەكتورى ني چجەنمەن كەزدەسٸپ, ىنتىماقتاستىقتىڭ نەگٸزگٸ باعىتتارى مەن بٸرلەسكەن جوبالاردى جٷزەگە اسىرۋ جايىن تالقىلادى. كەزدەسۋ بارىسىندا ەلەكتر جەلٸلەرٸ ينفراقۇرىلىمىن جاڭعىرتۋ مەن كەڭەيتۋگە, داتا-ورتالىق سالۋعا, سونداي-اق قالدىقتاردى قايتا ٶڭدەۋ ارقىلى ەلەكتر قۋاتىن ٶندٸرۋ جوباسىن جٷزەگە اسىرۋعا قاتىستى مەسەلەلەر قوزعالدى.
Energy China كومپانيياسى قازاقستاننىڭ سولتٷستٸگٸ مەن وڭتٷستٸگٸن جالعايتىن تۇراقتى ەلەكتر جەلٸلەرٸنٸڭ قۇرىلىسىن جٷرگٸزۋگە, جاڭارتىلاتىن ەنەرگەتيكا جوبالارىن ٸسكە اسىرۋعا نيەت بٸلدٸردٸ.
كەلٸسسٶزدەر نەتيجەسٸندە قۇنى شامامەن 320 ملن اقش دوللارى بولاتىن كٷن ەلەكتر ستانتسيياسى تٷركٸستان وبلىسىنىڭ ساۋران اۋدانىندا سالىنباق. جوبا 2025–2026 جىلدارى جٷزەگە اسىرىلادى.
ينۆەستيتسييا قۇجاتتارىنا جەنە ەلەكتر ەنەرگيياسىن ساتىپ الۋ كەلٸسٸمٸنە قر ەنەرگەتيكا مينيسترلٸگٸ مەن China Energy Engineering Group كومپانيياسى قول قويدى. كەلٸسٸمگە قول قويۋ سالتاناتى قازاقستان پرەزيدەنتٸ قاسىم-جومارت توقاەۆتىڭ قاتىسۋىمەن ٶتتٸ. بۇل جوبانىڭ ستراتەگييالىق ماڭىزىن ايقىنداي تٷسەدٸ.
ەنەرگەتيكا مينيسترٸ ەرلان ەككەنجانوۆ جاڭا كٷن ەلەكتر ستانتسيياسى قازاقستاننىڭ وڭتٷستٸگٸندەگٸ ەنەرگەتيكالىق قاۋٸپسٸزدٸكتٸ نىعايتىپ, جاڭا جۇمىس ورىندارىن اشۋعا جەنە كٶمٸرتەگٸ بەيتاراپتىعىنا قول جەتكٸزۋگە ٷلەس قوساتىنىنا توقتالىپ, «جاسىل» ەنەرگەتيكانى دامىتۋ جولىنداعى ماڭىزدى قادام ەكەنٸن ايتىپ ٶتتٸ.
ايتا كەتەيٸك, Fortune Global 500 رەيتينگٸنە كٸرەتٸن حالىقارالىق ٸرٸ كومپانييا جەل, كٷن جەنە جىلۋ قۋاتىن ٶندٸرۋ, يادرولىق ەنەرگەتيكا, سۋ ٷنەمدەۋ مەن گيدروەنەرگەتيكا سالالارىندا جۇمىس ٸستەيدٸ.
كٷن ەلەكتر ستانتسيياسىنىڭ ٸسكە قوسىلۋى ەلٸمٸزدٸڭ ەنەرگەتيكالىق بالانسىن ەرتاراپتاندىرۋعا, جاڭارتىلاتىن ەنەرگييا كٶزدەرٸنٸڭ ٷلەسٸن ارتتىرۋعا جەنە قازاقستاننىڭ «جاسىل» ەكونوميكاعا كٶشۋ جولىنداعى ٶڭٸرلٸك كٶشباسشى رەتٸندەگٸ ورنىن بەكٸتۋگە مٷمكٸندٸك بەرەدٸ.
