جەزقازعاندا ٶڭٸردٸڭ باستى مەدەني نىساندارىنىڭ بٸرٸ – سەركە قوجامقۇلوۆ اتىنداعى وبلىستىق قازاق مۋزىكالىق-دراما تەاترىن اۋقىمدى جاڭعىرتۋ جۇمىسى جٷرگٸزٸلۋدە. جوبانى «قازاقمىس كورپوراتسيياسى» جشس جٷزەگە اسىرۋدا. تەاتر 1972 جىلى پايدالانۋعا بەرٸلگەن. بۇل سودان بەرٸ جٷرگٸزٸلٸپ جاتقان العاشقى تولىققاندى كٷردەلٸ جاڭعىرتۋ, دەپ حابارلايدى dalanews.kz.
جوبا عيماراتتىڭ تاريحي سەۋلەتتٸك كەلبەتٸن ساقتاي وتىرىپ, ونى كەشەندٸ تٷردە جاڭعىرتۋدى كٶزدەيدٸ. جوبانىڭ باستى ماقساتى – ۇلىتاۋ وبلىسىندا تەاتر ٶنەرٸنٸڭ دامۋىنا جاڭا مٷمكٸندٸك بەرەتٸن زاماناۋي مەدەني كەڭٸستٸك قالىپتاستىرۋ.
جاڭعىرتۋ جۇمىسى اياقتالعاننان كەيٸن تەاتر زاماناۋي ساحنالىق, جارىق جەنە دىبىس جابدىقتارىمەن قامتاماسىز ەتٸلەدٸ. نەگٸزگٸ جاڭالىقتىڭ بٸرٸ – اينالمالى مەحانيزمٸ بار جاڭا ساحنانىڭ ورناتىلۋى. بۇل شەشٸم قويىلىم قويۋ مٷمكٸندٸگٸن ايتارلىقتاي كەڭەيتٸپ, سپەكتاكلدەر مەن مەدەني ٸس-شارالاردى ٶتكٸزۋ ساپاسىن جاڭا دەڭگەيگە كٶتەرەدٸ.
جاڭعىرتۋ اياسىندا نىساننىڭ ينجەنەرلٸك ينفراقۇرىلىمى تولىق جاڭارتىلادى. جىلۋمەن, سۋمەن جەنە ەلەكترمەن جابدىقتاۋ جٷيەلەرٸن اۋىستىرۋ, زاماناۋي ٶرت قاۋٸپسٸزدٸگٸ مەن بەينەباقىلاۋ جٷيەلەرٸن مونتاجداۋ, سونداي-اق جاڭا جەلدەتۋ جەنە اۋا باپتاۋ جٷيەلەرٸن ورناتۋ كٶزدەلگەن. بۇدان بٶلەك شاتىر جابىنى تولىق اۋىستىرىلىپ, تەاتردىڭ ٸشكٸ بٶلمەلەرٸ تٷگەل جاڭارتىلادى.
بٷگٸندە دەمونتاج جۇمىسى تولىق اياقتالدى. تەاتر عيماراتىندا ٸشكٸ ەرلەۋ جۇمىستارى جالعاسىپ, قۇرىلىس-مونتاجداۋ جۇمىسىنىڭ كەلەسٸ كەزەڭٸنە دايىندىق جٷرگٸزٸلۋدە.
جوبانى ٸسكە اسىرۋعا سالىنعان ينۆەستيتسييالاردىڭ جالپى كٶلەمٸ 5,1 ملرد تەڭگەنٸ قۇرايدى. تەاتردى جاڭعىرتۋ جۇمىسىن 2026 جىلدىڭ سوڭىنا دەيٸن اياقتاۋ جوسپارلانعان.
ەلەۋمەتتٸك جەنە مەدەني ينفراقۇرىلىمدى دامىتۋ «قازاقمىس» قىزمەتٸنٸڭ باسىم باعىتتارىنىڭ بٸرٸ بولىپ قالا بەرەدٸ. كومپانييا ۇلىتاۋ وبلىسىندا مەدەنيەت, سپورت, بٸلٸم بەرۋ, دەنساۋلىق ساقتاۋ نىساندارىن جەنە اباتتاندىرۋ نىساندارىن قامتيتىن اۋقىمدى ەلەۋمەتتٸك ينۆەستيتسييالىق باعدارلامانى جٷزەگە اسىرۋدا. بيىل كومپانييانىڭ قولداۋىمەن ٶڭٸردە ٸسكە اسىرىلاتىن ەلەۋمەتتٸك جوبالاردىڭ جالپى كٶلەمٸ 30 ملرد تەڭگەدەن اسادى.
سەركە قوجامقۇلوۆ اتىنداعى تەاتردى جاڭعىرتۋ ٶڭٸردٸڭ مەدەني مۇراسىن ساقتاۋعا قوسىلعان ماڭىزدى ٷلەس بولماق. سونىمەن قاتار جوبا ۇلىتاۋ وبلىسى تۇرعىندارىنىڭ شىعارماشىلىق تۇرعىدان دامۋىنا قولايلى جاعداي جاساۋعا مٷمكٸندٸك بەرەدٸ.
