قازاقستان مەن قىتاي شەكاراسىندا شامامەن 1500 جٷك كٶلٸگٸ جينالدى دەپ حابارلايدى Dalanews.kz قر قارجى مينيسترلٸگٸنٸڭ مەملەكەتتٸك كٸرٸستەر كوميتەتٸنە سٸلتەمە جاساپ.
ۆەدومستۆودا حابارلاعانداي, 2025 جىلعى 22 قازاندا ٷرٸمشٸ قالاسىندا ٶتكەن قازاقستان رەسپۋبليكاسىنىڭ جەنە قىتاي حالىق رەسپۋبليكاسىنىڭ شەكارالاس كەدەن ورگاندارى باسشىلارىنىڭ كەزدەسۋٸ بارىسىندا قىتاي تاراپىنان كٷن سايىن كەمٸندە 800 اۆتوكٶلٸك قابىلداۋ جٶنٸندە كەلٸسٸم بەرٸلگەنٸ, ال بيىلعى جىلدىڭ سوڭىنا قاراي بۇل كٶرسەتكٸشتٸ كەزەڭ-كەزەڭٸمەن 1000 بٸرلٸككە دەيٸن ارتتىرۋ جوسپارلانعانى ايتىلدى.
قول جەتكٸزٸلگەن كەلٸسٸمدەرگە سەيكەس, تاسىمالداۋ پروتسەسٸنٸڭ ٷزدٸكسٸزدٸگٸن قامتاماسىز ەتۋ ٷشٸن ەلەكتروندىق كەزەك جٷيەسٸندەگٸ ليميتتەر ۇلعايتىلدى.
— الايدا 2025 جىلعى 8–11 قاراشا ارالىعىندا قىتاي تاراپىنان قابىلدانعان ناقتى اۆتوكٶلٸكتەر سانى كٷنٸنە ورتا ەسەپپەن 700–750 بٸرلٸك بولعان, بۇل قازاقستان جاعىندا كٶلٸكتەردٸڭ ۋاقىتشا شوعىرلانۋىنىڭ باستى سەبەبٸ بولىپ وتىر. قوسىمشا, كٶرشٸ ٶتپەلٸ بەكەت «قالجات» – «دۋلاتى» اۋماعىندا ينسپەكتسييالىق-تەكسەرۋ كەشەنٸن مونتاجداۋ جۇمىستارى جٷرگٸزٸلٸپ, شامامەن بٸر اپتاعا سوزىلعان. اتالمىش كەزەڭدە وسى باعىتتىڭ ٶتكٸزۋ قابٸلەتٸ شەكتەلگەن, جەنە كٶلٸكتەردٸڭ بٸر بٶلٸگٸ «نۇر جولى» باعىتىندا باعىتتالعان, بۇل ينفراقۇرىلىمعا قوسىمشا جٷكتەمە تۋدىرعانى حابارلاندى.
