بەلگٸلٸ جۋرناليست, اقىن جەنە پروزاشى جۇمابەك ايداربەكۇلى تابىنباەۆ دٷنيەدەن ٶتتٸ. قارالى حاباردى قازاقستاننىڭ مەدەنيەت جەنە اقپارات مينيسترلٸگٸ مەلٸمدەدٸ, دەپ حابارلايدى dalanews.kz.
مينيسترلٸك مارقۇمنىڭ وتباسى مەن جاقىندارىنا, ەرٸپتەستەرٸ مەن تۋعان حالقىنا كٶڭٸل ايتىپ, ونىڭ ەل رۋحانيياتى مەن بۇقارالىق اقپارات قۇرالدارى سالاسىنا سٸڭٸرگەن ەڭبەگٸن ەرەكشە اتاپ ٶتتٸ.
جۇمابەك تابىنباەۆ ەڭبەك جولىن 1978 جىلى باستاعان. ول ەر جىلدارى ٶڭٸرلٸك جەنە رەسپۋبليكالىق باسىلىمداردا قىزمەت ەتٸپ, وتاندىق جۋرناليستيكانىڭ دامۋىنا ەلەۋلٸ ٷلەس قوستى.
قالامگەر جۋرناليستيكامەن قاتار پوەزييا جەنە پروزا جانرلارىندا دا ٶنٸمدٸ ەڭبەك ەتتٸ. ونىڭ «ٶمٸر – كەرۋەن», «سوعىس تۋرالى شىندىق», «جادىمداسىڭ, جارقىن بەينە» سەكٸلدٸ كٸتاپتارى وقىرمانعا كەڭٸنەن تانىلىپ, جوعارى باعالاندى.
جۇمابەك تابىنباەۆ قازاقستان جۋرناليستەر وداعى سىيلىعىنىڭ لاۋرەاتى اتانىپ, «اقپارات سالاسىنىڭ ٷزدٸگٸ» اتاعىنا يە بولعان.
«كەسٸبي بٸلٸكتٸلٸگٸ, ازاماتتىق ۇستانىمى, ادامگەرشٸلٸك بولمىسى مەن ٶنەگەلٸ عۇمىرى ەرٸپتەستەرٸ مەن كەيٸنگٸ بۋىن جۋرناليستەر ٷشٸن ەردايىم ٷلگٸ بولدى. ارداقتى ازاماتتىڭ جارقىن بەينەسٸ مەن ەسٸمٸ ەل جادىندا مەڭگٸ ساقتالادى», – دەلٸنگەن مينيسترلٸك حابارلاماسىندا.
مينيسترلٸك مارقۇمنىڭ جاتقان جەرٸ جايلى, توپىراعى تورقا, يمانى سالامات بولسىن دەپ كٶڭٸل ايتتى.
