Qazaqstan men Qytai shekarasynda shamamen 1500 júk kóligi jinaldy dep habarlaidy Dalanews.kz QR Qarjy ministrliginiń Memlekettik kirister komitetine silteme jasap.
Vedomstvoda habarlaǵandai, 2025 jylǵy 22 qazanda Úrimshi qalasynda ótken Qazaqstan Respýblikasynyń jáne Qytai Halyq Respýblikasynyń shekaralas keden organdary basshylarynyń kezdesýi barysynda qytai tarapynan kún saiyn keminde 800 avtokólik qabyldaý jóninde kelisim berilgeni, al biylǵy jyldyń sońyna qarai bul kórsetkishti kezeń-kezeńimen 1000 birlikke deiin arttyrý josparlanǵany aityldy.
Qol jetkizilgen kelisimderge sáikes, tasymaldaý protsesiniń úzdiksizdigin qamtamasyz etý úshin Elektrondyq kezek júiesindegi limitter ulǵaityldy.
— Alaida 2025 jylǵy 8–11 qarasha aralyǵynda qytai tarapynan qabyldanǵan naqty avtokólikter sany kúnine orta eseppen 700–750 birlik bolǵan, bul Qazaqstan jaǵynda kólikterdiń ýaqytsha shoǵyrlanýynyń basty sebebi bolyp otyr. Qosymsha, kórshi ótpeli beket «Qaljat» – «Dýlaty» aýmaǵynda inspektsiialyq-tekserý keshenin montajdaý jumystary júrgizilip, shamamen bir aptaǵa sozylǵan. Atalmysh kezeńde osy baǵyttyń ótkizý qabileti shektelgen, jáne kólikterdiń bir bóligi «Nur joly» baǵytynda baǵyttalǵan, bul infraqurylymǵa qosymsha júkteme týdyrǵany habarlandy.
