مۇقانعاليەۆتەر وتباسىنىڭ ٶلٸمٸنە قاتىستى سوت پروتسەسٸ كەزٸندە سۋديا زارەما حاميدۋللينا اقبايان مۇقانعاليەۆاعا قاتىستى بٶلەك قوزعالعان قىلمىستىق ٸستەگٸ تٷسٸنٸكسٸز جايتقا نازار اۋدارعان ەدٸ, دەپ حابارلايدى dalanews.kz.
"اق جايىق" باسىلىمىنىڭ جازۋىنشا, الدىڭعى سوت وتىرىستارىنىڭ بٸرٸندە سۋديا قىلمىستىق ٸس ماتەريالدارىن, سونىڭ ٸشٸندە اقبايان مۇقانعاليەۆاعا قاتىستى ماتەريالداردى بٶلەك ٶندٸرٸسكە شىعارۋ تۋرالى قاۋلىنى جارييالادى.
سوت وتىرىسى بارىسىندا سۋديا مۇقانعاليەۆانىڭ پسيحيكالىق اۋرۋىنا بايلانىستى ەم قابىلداپ جٷرگەنٸنە قاراماستان, وعان قاتىستى ٸس قازاقستان رەسپۋبليكاسى قىلمىستىق كودەكسٸنٸڭ 434-بابى – "قىلمىس تۋرالى حابارلاماۋ" بويىنشا قوزعالعانىنا پروكۋروردىڭ نازارىن اۋداردى.
"ول قىلمىس تۋرالى حابارلاماعانى ٷشٸن قالاي جاۋاپ بەرۋٸ مٷمكٸن?" – دەپ سۇرادى سۋديا مەملەكەتتٸك ايىپتاۋشىدان.
كەيٸن اقبايان مۇقانعاليەۆاعا قاتىستى قىلمىستىق ٸس ونىڭ ەرەكەتٸندە قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى.
قازٸرگٸ ۋاقىتتا ول ەم قابىلداۋدى جالعاستىرىپ جاتىر.
