قازاقستاندا سۋ كٶپ قاجەت ەتەتٸن داقىلداردىڭ ورنىنا ەلەۋمەتتٸك ماڭىزى بار ەرٸ تابىستى ٶنٸمدەرگە نازار اۋدارىلادى, دەپ حابارلايدى Dalanews.kz.
پرەزيدەنتتٸڭ اۋىل شارۋاشىلىعى جالپى ٶنٸمٸنٸڭ كٶلەمٸن ەكٸ ەسەلەۋ جٶنٸندەگٸ تاپسىرماسىن ورىنداۋ ٷشٸن ەزٸرلەنگەن جول كارتاسى اياسىندا ەگٸس القاپتارىن ەرتاراپتاندىرۋ شارالارى كٷشەيتٸلٸپ جاتىر.
2025 جىلى ەلدەگٸ جالپى ەگٸس كٶلەمٸ 322,8 مىڭ گەكتارعا ارتىپ, 23,6 ملن گەكتارعا جەتتٸ (2024 جىلى – 23,3 ملن گا). دەندٸ جەنە دەندٸ-بۇرشاقتى داقىلداردىڭ كٶلەمٸ 630 مىڭ گەكتارعا قىسقارىپ, 16 ملن گەكتاردى قۇرادى. ال بيداي القابى 884,6 مىڭ گەكتارعا ازايىپ, 12,3 ملن گەكتار بولدى.
بوس قالعان جەرلەر جوعارى تابىستى داقىلدارعا بٶلٸندٸ. كٷنباعىس القابى رەكوردتىق كٶرسەتكٸشكە جەتٸپ, 1,8 ملن گەكتارعا ۇلعايدى. بۇل ٶتكەن جىلمەن سالىستىرعاندا 481,5 مىڭ گەكتارعا كٶپ. كارتوپ ەگٸستٸگٸ دە ۇلعايىپ, 9,3 مىڭ گەكتارعا ٶسٸپ, 131,2 مىڭ گەكتارعا جەتتٸ. ونىڭ ٸشٸندە ٸرٸ شارۋاشىلىقتارداعى كٶلەم 12,5 مىڭ گەكتارعا ارتىپ, 84,5 مىڭ گەكتاردى قۇرادى.
سونىمەن قاتار سۋ كٶپ قاجەت ەتەتٸن داقىلداردىڭ كٶلەمٸ قىسقارتىلۋدا. 2025 جىلى ماقتا 144,5 مىڭ گەكتارعا ەگٸلدٸ, ونىڭ 50 مىڭ گەكتارى تامشىلاتىپ سۋارۋ ەدٸسٸمەن. قىزىلوردا وبلىسىندا كٷرٸش ەگٸستٸگٸ 85,6 مىڭ گەكتاردان 80,9 مىڭ گەكتارعا ازايدى.
اۋىل شارۋاشىلىعى مينيسترلٸگٸنٸڭ باعالاۋىنشا, ەگٸس القاپتارىن ەرتاراپتاندىرۋ ٸشكٸ ازىق-تٷلٸك تەڭگەرٸمٸن نىعايتىپ, جەكەلەگەن داقىلدارعا تەۋەلدٸلٸكتٸ ازايتادى. بۇل اگروٶنەركەسٸپ كەشەنٸنٸڭ تۇراقتىلىعىن ارتتىرىپ, فەرمەرلەردٸڭ تابىسىن كٶبەيتۋگە ىقپال ەتەدٸ. جەر رەسۋرستارىن تيٸمدٸ پايدالانۋ – ەلدٸڭ ازىق-تٷلٸك قاۋٸپسٸزدٸگٸنٸڭ نەگٸزٸ بولۋى تيٸس.
