قازاقستان 2027 جىلى ٶتەتٸن «ەۆروۆيدەنيە» ەن بايقاۋىندا ٶنەر كٶرسەتپەيدٸ. ەۋروپالىق حابار تاراتۋ وداعى (EBU) «حابار» اگەنتتٸگٸن بايقاۋعا قاتىسۋ ٷشٸن قاجەت تولىققاندى مٷشەلٸك تالاپتارىنا سەيكەس كەلمەيدٸ دەپ تانىدى, دەپ حابارلايدى dalanews.kz.
«حابار» اگەنتتٸگٸ قازاقستاننىڭ حالىقارالىق ەن بايقاۋىنا قاتىسۋىنا ٶتٸنٸم بەرگەن. الايدا EBU بۇل ٶتٸنٸشتٸ ماقۇلداماعان.
ۇيىم قازاقستان ەۋروپالىق حابار تاراتۋ ايماعىنا كٸرمەيتٸنٸن, ەۋروپا كەڭەسٸنٸڭ مٷشەسٸ ەمەس ەرٸ اتالعان ۇيىم جانىنداعى باقىلاۋشى مەرتەبەسٸنە دە يە ەمەس ەكەنٸن حابارلاعان. وسى سەبەپتٸ «حابار» ەزٸرگە EBU-دىڭ تولىققاندى مٷشەسٸ بولا الماي وتىر.
قازاقستاننىڭ «ەۆروۆيدەنيەمەن» بايلانىسى
قازاقستان بۇعان دەيٸن «بالالار ەۆروۆيدەنيەسٸنە» بەس رەت – 2018 جىلدان 2022 جىلعا دەيٸن قاتىسقان. وسى كەزەڭدە قازاقستاندىق ٶنەرپازدار ەكٸ مەرتە كٷمٸس جٷلدەگەر اتاندى.
ال كەلەسٸ ەرەسەكتەر اراسىنداعى «ەۆروۆيدەنيە» بايقاۋى 2027 جىلدىڭ مامىر ايىندا بولگارييانىڭ بۋرگاس قالاسىندا ٶتەدٸ. جارتىلاي فينالدار 11 جەنە 13 مامىرعا جوسپارلانعان بولسا, فينالدىق كەزەڭ 15 مامىردا ۇيىمداستىرىلادى.
