Qazaqstan 2027 jyly ótetin «Evrovidenie» án baiqaýynda óner kórsetpeidi. Eýropalyq habar taratý odaǵy (EBU) «Habar» agenttigin baiqaýǵa qatysý úshin qajet tolyqqandy múshelik talaptaryna sáikes kelmeidi dep tanydy, dep habarlaidy dalanews.kz.
«Habar» agenttigi Qazaqstannyń halyqaralyq án baiqaýyna qatysýyna ótinim bergen. Alaida EBU bul ótinishti maquldamaǵan.
Uiym Qazaqstan Eýropalyq habar taratý aimaǵyna kirmeitinin, Eýropa keńesiniń múshesi emes ári atalǵan uiym janyndaǵy baqylaýshy mártebesine de ie emes ekenin habarlaǵan. Osy sebepti «Habar» ázirge EBU-dyń tolyqqandy múshesi bola almai otyr.
Qazaqstannyń «Evrovideniemen» bailanysy
Qazaqstan buǵan deiin «Balalar Evrovideniesine» bes ret – 2018 jyldan 2022 jylǵa deiin qatysqan. Osy kezeńde qazaqstandyq ónerpazdar eki márte kúmis júldeger atandy.
Al kelesi eresekter arasyndaǵy «Evrovidenie» baiqaýy 2027 jyldyń mamyr aiynda Bolgariianyń Býrgas qalasynda ótedi. Jartylai finaldar 11 jáne 13 mamyrǵa josparlanǵan bolsa, finaldyq kezeń 15 mamyrda uiymdastyrylady.
