سوڭعى جىلدارى بٸزدە مۇناي ٶندٸرٸپ جٷرگەن وسى ەكٸ شەتەلدٸك ينۆەستور تىم قۇتىرىپ كەتكەن بولاتىن. ولاردىڭ قاراشىعاناق پەن قاشاعان جوباسىنداعى ەرەكەتتەرٸ, اتاپ ايتقاندا ينۆەستيتسييالىق مٸندەتتەمەلەرٸن ورىنداماۋى, نازارباەۆ دەۋٸرٸندەگٸدەي "زاڭ بۇزساق تا قازاقستان بٸزگە دىم ٸستەي المايدى" دەپ ويلاۋى بٸر كٷنٸ ٶزدەرٸن جارعا جىقپاق. سەبەبٸ, دەرەككٶزدٸڭ ايتۋىنشا, وسى اپتادا, جابىق ەسٸك ارتىنداعى ٷلكەن كابينەتتەردە Eni مەن Shell-دٸڭ مٸندەتتەمەلەرٸن ورىنداماعان ەر فاكتٸسٸن قاتاڭ تٸركەپ, كەلٸسٸمگە ساي سانكتسييالار قولدانۋ تۋرالى ەڭگٸمە جٷرگەن, دەپ حابارلايدى Dalanews.kz.
"قاشاعاندا دا, قاراشىعاناقتا دا Eni مەن Shell ٶزدەرٸ ۋەدە ەتكەن نەرسەلەردٸ جاساماي, ۋاقىت سوزۋمەن كەلەدٸ. قيت ەتسە جوبانىڭ قۇنىن قىمباتتاتىپ, جاڭا سمەتا كٶرسەتۋگە ماشىقتانىپ العان. بۇلار قاراشىعاناقتا گاز ٶڭدەۋ زاۋىتىن سالۋ جوباسىن ٶتٸرٸك قىمباتتاتىپ, سٶزبۇيداعا سالىپ كەلدٸ. قاشاعاندا كەن ورنىن كەڭەيتۋدٸڭ ەكٸنشٸ فازاسىن تٸپتٸ باستاعان دا جوق. قازاقستان ٷكٸمەتٸن اقىماق بالا سيياقتى كٶرەدٸ. ۋاقىت سوزىپ, ينۆەستيتسييا سالماي, تەز ارادا مۇنايلارىن ٶندٸرٸپ ساتىپ, ماكسيمالدى پايدا الىپ كەتكٸسٸ كەلەدٸ", - دەيدٸ, DALA INSIDE ارناسىنىڭ PSA جاققا جاقىن دەرەككٶزٸ.
قازٸر قازاقستان قاراشىعاناقتاعى گاز ٶڭدەۋ زاۋىتى (گٶز) جوباسىن تولىعىمەن توقتاتتى. بۇل جوبانى قاراشىعاناق وپەراتورى KPO قۇزٸرەتٸنەن الىپ تاستاپ, قازمۇنايگاز ٶزٸ قىتاي كومپانييالارىن شاقىرا وتىرىپ اياقتاۋى مٷمكٸن. سەبەبٸ KPO باستاپقى گٶز جوباسىنىڭ باعاسىن جاقىندا تاعى 1 ميلليارد دوللارعا قىمباتتاتىپ جٸبەردٸ. ال KPO-نىڭ نەگٸزگٸ اكتسيونەرلەرٸ (58,5%) وسى Eni مەن Shell. بۇل ەكەۋٸ تٷرلٸ جوبالاردى قىمباتتاتۋ ارقىلى قازاقستاننىڭ بولاشاق تابىسىنان شامامەن 3,5 ميلليارد دوللار جەپ قويعان.
"Eni مەن Shell بۇرىن-سوڭدى بولماعان ينۆەستورلىق جەڭٸلدٸك رەجيمٸندە جۇمىس ٸستەۋدە. ولار مۇنايدان ەكسپورتتى باج سالىعىن دا تٶلەمەيدٸ. قازاقستانعا تابىستىڭ 2 پايىزىن عانا تاتىرادى. تۋرا وسىنداي جاعداي مەڭگٸ بولعانىن قالايدى. سول ٷشٸن بٸزدەن قاشاعان بويىنشا كەلٸسٸمنٸڭ سوزىلۋىن تالاپ ەتۋدە. ال ينۆەستيتسييا قۇيىپ شىعىندانباس ٷشٸن ينۆەستجوبالاردى ەدەيٸ سوزىپ, باعاسىن قىمباتتاتىپ, "ۆولوكيتا" جاساپ كەلەدٸ, - دەيدٸ دەرەككٶز.
ەندٸ قازاقستان ولاردىڭ قۋلىعىن بٸلدٸ جەنە بۇدان بىلاي "اقىماق بالا" رٶلٸن ويناۋعا دايىن ەمەس. كەلەسٸ اپتادان باستاپ Eni مەن Shell-گە قاتىستى ريتوريكا قاتاڭدايتىن بولادى.
بۇعان دەيٸن سايتىمىزدا "قاشاعاندا ٶندٸرٸلٸپ جاتقان بارلىق مۇنايدىڭ 2 پايىزى عانا قازاقستانعا بۇيىرادى. نەگە?" دەگەن ماقالا جارييالانعان بولاتىن. ماقالادا مۇنايگاز سالاسىنىڭ ساراپشىسى, Energy Monitor قوعامدىق قورىنىڭ ديرەكتورى, Energy Monitor Telegram ارناسىنىڭ اۆتورى نۇرلان جۇماعۇلوۆتىڭ سۇقباتىنان ٷزٸندٸ كەلتٸرٸلەدٸ.
