قازاقستان دامۋ بانكٸ ەكس-پرەزيدەنت نۇرسۇلتان نازارباەۆتىڭ بۇرىنعى قۇداسى, كەسٸپكەر قايرات بورانباەۆقا تيەسٸلٸ حولدينگتٸڭ قوناق ٷي كەشەندەرٸ مەن SPA-ورتالىقتارى جوباسىن قاراۋدان باس تارتتى, دەپ حابارلادى كursiv.media.
2021 جىلدان بەرٸ قدب زايمىنا ٷمٸتكەرلەر تٸزٸمٸندە Medeu Park Hotel كومپانيياسى دا بولعان, الايدا وسى اپتادا بانك بۇل جوبانى تٸزٸمنەن الىپ تاستاعان. بانك بۇنىڭ سەبەبٸن "ينديكاتيۆ اناليزگە قاجەتتٸ قۇجاتتار تاپسىرمادى" دەپ تٷسٸندٸرگەن.
كursiv.media مەلٸمەتٸنشە, بورانباەۆ قوناق ٷي كەشەنٸ قاراجاتىنىڭ ٷشتەن ەكٸسٸن Medeu Park Hotel كومپانيياسى ارقىلى قازاقستان دامۋ بانكٸنەن الۋدى كٶزدەگەن.
بىلتىر الماتىدا ٶتكەن ينۆەستيتسييا فورۋمىندا Medeu Park Hotel كومپانيياسىنىڭ قارجى ديرەكتورى ارمان رامازانوۆ قدب-تەن 10- 12,5 ميلليارد تەڭگە الۋدى جوسپارلاعانىن ايتقان.
كursiv.media دەرەگٸنشە, سوۆەت زامانىنداعى ەسكٸ "مەدەۋ" قوناق ٷيٸ سٷرٸلٸپ, ونىڭ ورنىنا ٷش قاباتتى عيمارات سالىنا باستاعان. ول Medeu Park Hotel 2022 جىلعى جەلتوقساندا اشىلادى دەپ جوسپارلانعان. الايدا نىسان پاسپورتىنداعى اقپاراتتا قۇرىلىس 2024 جىلعى ناۋرىزدا اياقتالاتىنى جازىلعان.
بورانباەۆقا تيەسٸلٸ تاعى بٸر كومپانييا ٶتٸنٸشٸن قازاقستان دامۋ بانكٸ قابىلدامادى, دەپ حابارلادى باسىلىم. بۇل كومپانييا بۋتاكوۆكا شاتقالىندا Butakovka Wellness&SPA ساۋىقتىرۋ كەشەنٸن سالۋدى كٶزدەگەن. قۇرىلىسقا 13 ميلليارد تەڭگە قاجەت. قاراجاتتىڭ بٸر بٶلٸگٸن كومپانييا قازاقستان دامۋ بانكٸنەن العىسى كەلگەن, دەپ جازدى كursiv.media.
قايرات بورانباەۆ — ەكس-پرەزيدەنت نۇرسۇلتان نازارباەۆتىڭ قىزى داريعا نازارباەۆانىڭ بۇرىنعى قۇداسى. ونى قازاقستاندىق Forbes ەلدەگٸ ىقپالدى بەس كەسٸپكەر قاتارىنا ەنگٸزگەن.
قازاقستاندا بورانباەۆقا "اسا ٸرٸ كٶلەمدە اقشا جىمقىردى" دەگەن كٷدٸكپەن بيىل ناۋرىز ايىندا ۇستالدى. سودان كەيٸن ونىڭ الماتىداعى پاركينگتەردٸ باسقاراتىن ەكٸ كومپانيياسى الماتى ەكٸمدٸگٸنە قايتارىلدى. بۇعان قوسا, بورانباەۆتىڭ قاراعاندى فارماتسەۆتيكا كەشەنٸ سەۋٸر ايىندا رەسەيلٸك "سپۋتنيك V" ۆاكتسيناسىن شىعارۋدى دوعاردى.
