قازاقستان دامۋ بانكٸنٸڭ جەكەلەگەن قارىز الۋشىلارى سالالىق دامۋ تۇجىرىمداماسىندا بەكٸتٸلگەن شەكتٸ مەندەردەن تٶمەن مٶلشەرلەمەلەر بويىنشا كرەديتتەر العانى انىقتالدى. بۇل جايتتى جوعارى اۋديتورلىق پالاتا اۋديت جٷرگٸزۋ كەزٸندە انىقتاعان, دەپ حابارلايدى Dalanews.kz.
سونداي-اق اۋديتورلار قازاقستان دامۋ بانكٸ بيۋدجەت قاراجاتىن 0,15% مٶلشەرلەمەمەن الىپ, كەيٸننەن قارىز الۋشىلارعا ونى 9-11% مٶلشەرلەمە بويىنشا كرەديت بەرگەنٸن دە انىقتادى.
"بۇل بانكتٸڭ ارتىق قارجىلاي پايدا الۋىنا جەنە مەملەكەت ٷشٸن كٸرٸستٸڭ جەتكٸلٸكسٸزدٸگٸنە ەكەلدٸ. وسىعان بايلانىستى جوعارى اۋديتورلىق پالاتا بيۋدجەتتٸك كرەديتتەۋ شارتتارى بويىنشا پايىزدىق مٶلشەرلەمەلەردٸ قايتا قاراۋدى ۇسىندى", دەلٸنگەن جاپ باسپاسٶز قىزمەتٸنٸڭ حابارلاماسىندا.
اۋديتورلاردىڭ پٸكٸرٸنشە, بۇل مەملەكەتتٸك قولداۋ شارالارىنا الۋدا تەڭ جاعداي جاساۋعا مٷمكٸندٸك بەرمەيدٸ.
وسىعان بايلانىستى جوعارى اۋديتورلىق پالاتا بەلگٸلەنگە پايىزدىق مٶلشەرلەمە ەنگٸزۋدٸ ۇسىندى. سوندا ول بانكتٸڭ ٸشكٸ باعالاۋى نەگٸزٸندە مٶلشەرلەمەنٸ تٶمەندەتۋگە مٷمكٸندٸك بەرمەيدٸ.
"نەتيجەسٸندە قدب ديرەكتورلار كەڭەسٸنٸڭ شەشٸمٸمەن ٶڭدەۋ ٶنەركەسٸبٸ جوبالارىنىڭ اينالىم كاپيتالىن قارجىلاندىرۋ جەنە ەكسپورتتاۋشىلاردى قولداۋ باعدارلامالارىنا ٶزگەرٸستەر ەنگٸزٸلدٸ. بۇل ٶزگەرٸستەر بارلىق تٷپكٸلٸكتٸ قارىز الۋشىلار ٷشٸن بٸرىڭعاي سىياقى مٶلشەرلەمەسٸن جىلدىق 7% مٶلشەرٸندە بەلگٸلەۋدٸ كٶزدەيدٸ", دەپ ناقتىلايدى قۇزىرلى ورگان.
ايتا كەتسەك, قدب شيكٸزاتتىق ەمەس سالالارداعى جەكە ينۆەستيتسييالىق جوبالاردى, سونداي-اق مەملەكەتتٸك ينفراقۇرىلىمدىق جوبالاردى قارجىلاندىرۋمەن اينالىسادى. ونىڭ جالعىز اكتسيونەرٸ - ەكونوميكا مينيسترلٸگٸنە قاراستى "بەيتەرەك" حولدينگٸ. قدب-نىڭ ٶزٸ, Forbes مەلٸمەتتەرٸ بويىنشا, ٶنەركەسٸپتٸ دامىتۋ قورىنا جەنە گوللاندييالىق DBK Capital Structure Fund B. V-گە يەلٸك ەتەدٸ.
بۇعان دەيٸن سايتىمىزدا "دەپۋتات جوعارى اۋديتورلىق پالاتادان تەكسەرۋلەر نەتيجەلەرٸن جارييالاۋدى تالاپ ەتتٸ" دەگەن ماقالا جارييالانعان بولاتىن. سونداي-اق "قازاقستان دامۋ بانكٸ ەسكٸ قارىزىن جابۋ ٷشٸن تاعى قارىزعا اقشا تارتۋدا" دەگەن ماقالانى دا وقي وتىرىڭىزدار.
