Qazaqstan Damý bankiniń jekelegen qaryz alýshylary salalyq damý tujyrymdamasynda bekitilgen shekti mánderden tómen mólsherlemeler boiynsha kreditter alǵany anyqtaldy. Bul jaitty Joǵary aýditorlyq palata aýdit júrgizý kezinde anyqtaǵan, dep habarlaidy Dalanews.kz.
Sondai-aq aýditorlar Qazaqstan Damý banki biýdjet qarajatyn 0,15% mólsherlememen alyp, keiinnen qaryz alýshylarǵa ony 9-11% mólsherleme boiynsha kredit bergenin de anyqtady.
"Bul banktiń artyq qarjylai paida alýyna jáne memleket úshin kiristiń jetkiliksizdigine ákeldi. Osyǵan bailanysty Joǵary aýditorlyq palata biýdjettik kreditteý sharttary boiynsha paiyzdyq mólsherlemelerdi qaita qaraýdy usyndy", delingen JAP baspasóz qyzmetiniń habarlamasynda.
Aýditorlardyń pikirinshe, bul memlekettik qoldaý sharalaryna alýda teń jaǵdai jasaýǵa múmkindik bermeidi.
Osyǵan bailanysty Joǵary aýditorlyq palata belgilenge paiyzdyq mólsherleme engizýdi usyndy. Sonda ol banktiń ishki baǵalaýy negizinde mólsherlemeni tómendetýge múmkindik bermeidi.
"Nátijesinde QDB direktorlar keńesiniń sheshimimen óńdeý ónerkásibi jobalarynyń ainalym kapitalyn qarjylandyrý jáne eksporttaýshylardy qoldaý baǵdarlamalaryna ózgerister engizildi. Bul ózgerister barlyq túpkilikti qaryz alýshylar úshin biryńǵai syiaqy mólsherlemesin jyldyq 7% mólsherinde belgileýdi kózdeidi", dep naqtylaidy quzyrly organ.
Aita ketsek, QDB shikizattyq emes salalardaǵy jeke investitsiialyq jobalardy, sondai-aq memlekettik infraqurylymdyq jobalardy qarjylandyrýmen ainalysady. Onyń jalǵyz aktsioneri - ekonomika ministrligine qarasty "Báiterek" holdingi. QDB-nyń ózi, Forbes málimetteri boiynsha, Ónerkásipti damytý qoryna jáne gollandiialyq DBK Capital Structure Fund B. V-ge ielik etedi.
Buǵan deiin saitymyzda "Depýtat Joǵary aýditorlyq palatadan tekserýler nátijelerin jariialaýdy talap etti" degen maqala jariialanǵan bolatyn. Sondai-aq "Qazaqstan Damý Banki eski qaryzyn jabý úshin taǵy qaryzǵa aqsha tartýda" degen maqalany da oqi otyryńyzdar.
