قازاقستان بانكتەرٸنٸڭ 2024 جىلعى 1 جەلتوقسانداعى تازا پايداسى 1 قاراشامەن سالىستىرعاندا 236 ملرد تەڭگەگە ٶسكەن. بۇل تۋرالى ۇلتتىق بانك مەلٸمدەدٸ, دەپ حابارلايدى Dalanews.kz.
“2024 جىلى 1 جەلتوقساندا قازاقستان بانكتەرٸنٸڭ تازا پايداسى 2,3 ترلن تەڭگەدەن استى, بۇل 1 قاراشاداعى 2,1 ترلن تەڭگە كٶرسەتكٸشٸنەن جوعارى”, – دەلٸنگەن جۇما كٷنٸ جارييالانعان ەسەپتە.
ۇلتتىق بانكتٸڭ مەلٸمەتٸنشە, 2024 جىلعى 1 جەلتوقسانعا دەيٸن بانكتەردٸڭ سالىق سالۋعا دەيٸنگٸ تازا تابىسى 2,7 ترلن تەڭگەنٸ قۇراعان. ال بانكتەردٸڭ جالپى كٸرٸسٸ 60,2 ترلن تەڭگەگە جەتكەن:
سىياقى الۋمەن بايلانىستى ەمەس كٸرٸستەر – 53,46 ترلن تەڭگە;
• سىياقى الۋمەن بايلانىستى كٸرٸستەر – 6,7 ترلن تەڭگە.
ەسكە سالايىق, بۇعان دەيٸن قازاقستاندا حالىقتىڭ بانكتەرگە قارىزى 20 ترلن تەڭگەگە جۋىقتاعانى تۋرالى جازعان ەدٸك.
بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸ مەلٸمدەدٸ.
2024 جىلعى 1 قاراشاداعى جاعداي بويىنشا قازاقستان رەسپۋبليكاسىنىڭ بانك سەكتورىندا 21ەكٸنشٸ دەڭگەيدەگٸ بانك بار, ونىڭ ٸشٸندە 12 بانك شەتەلدٸك قاتىسۋمەن, ونىڭ ٸشٸندە 9 ەنشٸلەس بانكتەر.
2024 جىلعى 1 قاراشاداعى جاعداي بويىنشا بانك سەكتورىنىڭ اكتيۆتەرٸ كٶبٸنەسە بانكتەردٸڭ نەسيە پورتفەلٸنٸڭ 33,8 ترلن تەڭگەگە دەيٸن 1,2%-عا جەنە ٶتٸمدٸلٸگٸ جوعارى اكتيۆتەرٸنٸڭ 17,7 ترلن تەڭگەگە 0,3%-عا (جيىنتىق اكتيۆتەردٸڭ 30,3%-ى) ٶسۋٸ ەسەبٸنەن اعىمداعى جىلعى قازاندا 0,6%-عا نەمەسە 345 ملرد تەڭگەگە ۇلعايىپ, 58,5 ترلن تەڭگە بولدى (2024 جىلدىڭ باسىنان 13,6%-عا نەمەسە 7,0 ترلن تەڭگەگە ٶسۋ).
ەكٸنشٸ دەڭگەيدەگٸ بانكتەردٸڭ ەكونوميكاعا بەرگەن كرەديتتەرٸ 2024 جىلعى قازاندا 1,3%-عا 31,9 ترلن تەڭگەگە دەيٸن ۇلعايدى (2024 جىلدىڭ باسىنان 14,3%-عا ٶسۋ). 2024 جىلعى قازان ايىنىڭ قورىتىندىسى بويىنشا ەكونوميكاعا بەرٸلگەن كرەديتتەردٸڭ جالپى قۇرىلىمىندا ۇلتتىق ۆاليۋتادا بەرٸلگەن كرەديتتەر 1,2%-عا 29,1 ترلن تەڭگەگە دەيٸن ۇلعايدى, ۆاليۋتامەن بەرٸلگەن كرەديتتەر 1,6%-عا 2,8 ترلن تەڭگەگە دەيٸن ۇلعايدى.
بيزنەس سۋبەكتٸلەرٸنە بەرٸلەتٸن كرەديتتەر 2024 جىلعى قازاندا نەگٸزٸنەن 2,6%-عا 3,2 ترلن تەڭگەگە دەيٸن ينۆەستيتسييالارعا جەنە 0,9%-عا 0,6 ترلن تەڭگەگە دەيٸن نەگٸزگٸ قورلار ساتىپ الۋعا بەرٸلگەن قارىزداردىڭ ٶسۋٸ ەسەبٸنەن 0,3%-عا 12,1 ترلن تەڭگەگە دەيٸن ٶستٸ (2024 جىلدىڭ باسىنان 7,7%-عا نەمەسە 870 ملرد تەڭگەگە ٶسۋ.
بيزنەس سۋبەكتٸلەرٸ ساناتىنىڭ بٶلٸنٸسٸندە ٸرٸ بيزنەسكە كرەديتتەر 2024 جىلعى قازاندا تەلەكوممۋنيكاتسييا جەنە قۇرلىق كٶلٸگٸ سالاسىنداعى ٸرٸ قارىز الۋشىلاردىڭ مەرزٸمٸنەن بۇرىن ٶتەۋلەرٸنٸڭ جالعاسۋىنا بايلانىستى 0,4%-عا 4,1 ترلن تەڭگەگە دەيٸن (2024 جىلدىڭ باسىنان 2,7%-عا ٶستٸ) تٶمەندەدٸ. شوب-قا قارىزدار بٸر ايدا نەگٸزٸنەن اۆتوموبيل شىعارۋ سەكتورىندا شاعىن كەسٸپورىندارعا اينالىم قاراجاتىن تولتىرۋعا كرەديتتەر بەرۋ ەسەبٸنەن 5,9 ترلنتەڭگەگە دەيٸن 0,1%-عا ۇلعايدى (2024 جىلدىڭ باسىنان 3,0%-عا ٶسۋ). دارا كەسٸپكەرلەرگە بەرٸلگەن كرەديتتەر 2024 جىلعى قازاندا 2,1 ترلن تەڭگەگە دەيٸن 2,6%-عا ٶستٸ (2024 جىلدىڭ باسىنان 37,7%-عا ٶسۋ).
