Qazaqstan bankteriniń 2024 jylǵy 1 jeltoqsandaǵy taza paidasy 1 qarashamen salystyrǵanda 236 mlrd teńgege ósken. Bul týraly Ulttyq bank málimdedi, dep habarlaidy Dalanews.kz.
“2024 jyly 1 jeltoqsanda Qazaqstan bankteriniń taza paidasy 2,3 trln teńgeden asty, bul 1 qarashadaǵy 2,1 trln teńge kórsetkishinen joǵary”, – delingen juma kúni jariialanǵan esepte.
Ulttyq banktiń málimetinshe, 2024 jylǵy 1 jeltoqsanǵa deiin bankterdiń salyq salýǵa deiingi taza tabysy 2,7 trln teńgeni quraǵan. Al bankterdiń jalpy kirisi 60,2 trln teńgege jetken:
syiaqy alýmen bailanysty emes kirister – 53,46 trln teńge;
• syiaqy alýmen bailanysty kirister – 6,7 trln teńge.
Eske salaiyq, buǵan deiin Qazaqstanda halyqtyń bankterge qaryzy 20 trln teńgege jýyqtaǵany týraly jazǵan edik.
Bul týraly Qarjy naryǵyn retteý jáne damytý agenttigi málimdedi.
2024 jylǵy 1 qarashadaǵy jaǵdai boiynsha Qazaqstan Respýblikasynyń bank sektorynda 21ekinshi deńgeidegi bank bar, onyń ishinde 12 bank sheteldik qatysýmen, onyń ishinde 9 enshiles bankter.
2024 jylǵy 1 qarashadaǵy jaǵdai boiynsha bank sektorynyń aktivteri kóbinese bankterdiń nesie portfeliniń 33,8 trln teńgege deiin 1,2%-ǵa jáne ótimdiligi joǵary aktivteriniń 17,7 trln teńgege 0,3%-ǵa (jiyntyq aktivterdiń 30,3%-y) ósýi esebinen aǵymdaǵy jylǵy qazanda 0,6%-ǵa nemese 345 mlrd teńgege ulǵaiyp, 58,5 trln teńge boldy (2024 jyldyń basynan 13,6%-ǵa nemese 7,0 trln teńgege ósý).
Ekinshi deńgeidegi bankterdiń ekonomikaǵa bergen kreditteri 2024 jylǵy qazanda 1,3%-ǵa 31,9 trln teńgege deiin ulǵaidy (2024 jyldyń basynan 14,3%-ǵa ósý). 2024 jylǵy qazan aiynyń qorytyndysy boiynsha ekonomikaǵa berilgen kreditterdiń jalpy qurylymynda ulttyq valiýtada berilgen kreditter 1,2%-ǵa 29,1 trln teńgege deiin ulǵaidy, valiýtamen berilgen kreditter 1,6%-ǵa 2,8 trln teńgege deiin ulǵaidy.
Biznes sýbektilerine beriletin kreditter 2024 jylǵy qazanda negizinen 2,6%-ǵa 3,2 trln teńgege deiin investitsiialarǵa jáne 0,9%-ǵa 0,6 trln teńgege deiin negizgi qorlar satyp alýǵa berilgen qaryzdardyń ósýi esebinen 0,3%-ǵa 12,1 trln teńgege deiin ósti (2024 jyldyń basynan 7,7%-ǵa nemese 870 mlrd teńgege ósý.
Biznes sýbektileri sanatynyń bólinisinde iri bizneske kreditter 2024 jylǵy qazanda telekommýnikatsiia jáne qurlyq kóligi salasyndaǵy iri qaryz alýshylardyń merziminen buryn óteýleriniń jalǵasýyna bailanysty 0,4%-ǵa 4,1 trln teńgege deiin (2024 jyldyń basynan 2,7%-ǵa ósti) tómendedi. ShOB-qa qaryzdar bir aida negizinen avtomobil shyǵarý sektorynda shaǵyn kásiporyndarǵa ainalym qarajatyn toltyrýǵa kreditter berý esebinen 5,9 trlnteńgege deiin 0,1%-ǵa ulǵaidy (2024 jyldyń basynan 3,0%-ǵa ósý). Dara kásipkerlerge berilgen kreditter 2024 jylǵy qazanda 2,1 trln teńgege deiin 2,6%-ǵa ósti (2024 jyldyń basynan 37,7%-ǵa ósý).
