رەسەي بانكتەرٸ مەن كومپانييالارى قازاقستاندى قىتايمەن قارجىلىق وپەراتسييالار جٷرگٸزۋ ٷشٸن دەلدال رەتٸندە پايدالانا باستاعان جەنە بۇل پروتسەسس اقش سانكتسييالارىنان كەيٸن ايتارلىقتاي كٷشەيگەن, دەپ حابارلايدى Dalanews.kz.
"رەسەيلٸك قارجى ينستيتۋتتارى رەسەيلٸك بيزنەس تاراپىنان يۋانعا دەگەن سۇرانىستىڭ ارتقانىن ايتادى. اقش سانكتسييالارىنىڭ قاتاڭداتىلۋىنا بايلانىستى رەسەيلٸك بانكتەر مەن كومپانييالار قىتايمەن تٶلەمدەر جٷرگٸزۋگە قاجەتتٸ ۆاليۋتالىق وپەراتسييالار ٷشٸن قازاقستاندى جيٸ تاڭدايتىن بولعان. اتاپ ايتقاندا, ماۋسىم ايىندا اقش مەسكەۋ بيرجاسىنا جەنە ونىڭ ەنشٸلەس ۇيىمدارىنا (نرد جەنە نكتس) سانكتسييالار ەنگٸزدٸ. بۇل سانكتسييالار رەسەيدٸڭ شەتەلدٸك بانكتەرمەن, ەسٸرەسە قىتاي جەنە تٷركييا بانكتەرٸمەن قارىم-قاتىناسىنا قاتتى ەسەر ەتتٸ", دەپ جازادى frankmedia.ru.
ەندٸ رەسەي يمپورتى مەن ەكسپورتىنىڭ ەلەۋلٸ بٶلٸگٸ باسقا ەلدەردەگٸ دەلدالدار ارقىلى جٷزەگە اسىرىلۋدا. سونىڭ اياسىندا قازاقستان قور بيرجاسىندا (KASE) يۋان جەنە رۋبلمەن جٷرگٸزٸلەتٸن وپەراتسييالار كٷرت ٶسكەن.
ماۋسىم مەن تامىز ايلارى ارالىعىندا قازاقستان قور بيرجاسىندا يۋان جەنە رۋبل ساۋداسى ەكٸ ەسە ٶسٸپ, ورتاشا ايلىق ساۋدا كٶلەمٸ 893 ملن يۋاندى (شامامەن $127 ملن) جەنە 86 ملرد رۋبلدٸ ($925 ملن) قۇرادى. بۇعان دەيٸن Frank Media دا "رۋبل-تەڭگە", "يۋان-تەڭگە" جەنە "ەۋرو-تەڭگە" ۆاليۋتالىق جۇپتارىنداعى ساۋدا كٶلەمٸنٸڭ ايتارلىقتاي ٶسكەنٸن حابارلاعان بولاتىن. مىسالى, تامىز ايىندا "رۋبل-تەڭگە" جۇبى بويىنشا ساۋدا كٶلەمٸ 124,2 ملرد رۋبلگە جەتٸپ, رەكورد ورناتقان. سونىمەن قاتار, شٸلدە ايىندا ەۋرو جەنە يۋانعا قاتىستى ۆاليۋتالىق ساۋدا بٸرنەشە ەسە ٶسكەن.
قازاقستان ۇلتتىق بانكٸ Bloomberg اگەنتتٸگٸنە بەرگەن سۇقباتىندا, مەسكەۋ بيرجاسىندا اقش دوللارى بويىنشا ساۋدانىڭ توقتاۋى قازاقستانداعى ۆاليۋتالىق ساۋدانىڭ ٶسۋٸنە ەسەر ەتكەنٸن ايتتى.
سونداي-اق, ۇلتتىق بانك قازاقستاندا "دوللار-تەڭگە" جۇبى بويىنشا ساۋدانىڭ دا جىلدىق كٶرسەتكٸشتەر بويىنشا 50%-عا ارتقانىن حابارلادى. بۇل ٶسٸم ەكونوميكالىق بەلسەندٸلٸك پەن ساۋدانىڭ ارتۋىمەن بايلانىستىرىلادى.
اقپارات كٶزدەرٸنٸڭ ايتۋىنشا, قازاقستاندىق بانكتەر رەسەيلٸك بيزنەس تاراپىنان يۋانعا دەگەن سۇرانىستىڭ ٷنەمٸ ارتىپ كەلە جاتقانىن بايقاعان. بۇل مەمٸلەلەر كەيدە تەڭگەدەن باسقا ۆاليۋتالاردا جٷرگٸزٸلەتٸندٸكتەن, ۇلتتىق بانكتٸڭ ستاتيستيكاسىندا ەلەنبەۋٸ مٷمكٸن. سونداي-اق, قىتاي ۆاليۋتاسىمەن ساۋدا جاساۋ ٷشٸن قازاقستاندىق ەرٸپتەستەرٸنە تەك رەسەي بانكتەرٸ عانا ەمەس, كٶرشٸ ەلدەردٸڭ بانكتەرٸ دە جٷگٸنۋدە. كٶپتەگەن ترانزاكتسييا قازاقستاندىق كوممەرتسييالىق بانكتەر ٸشٸندە جٷرگٸزٸلٸپ, رەسمي ستاتيستيكاعا تٸركەلمەي قالۋى مٷمكٸن.
KASE دەرەكتەرٸ بويىنشا, ماۋسىم-تامىز ايلارىندا قازاقستان قور بيرجاسىندا "يۋان-دوللار" كروسس-ۆاليۋتاسى بويىنشا ساۋدا كٶلەمٸ $1,63 ملرد قۇراعان, بۇل ٶتكەن جىلدىڭ دەل وسى كەزەڭٸمەن سالىستىرعاندا 33%-عا كٶپ.
