قازاقستان رەسەي مەن اقش پرەزيدەنتتەرىنىڭ انكوريدجدەگى كەزدەسۋىن ۋكراينا بويىنشا ەڭ جوعارى دەڭگەيدەگى كەلىسسوزدەر ۇدەرىسىنىڭ باستاماسى رەتىندە قۇپتايدى، دەپ حابارلايدى Dalanews.kz.
بۇل تۋرالى بۇگىن مەملەكەت باسشىسىنىڭ باسپا ءسوز حاتشىسى رۋسلان جەلدىباي الەۋمەتتىك جەلىدە جازدى.
"مەملەكەت باسشىسى قاسىم-جومارت توقايەۆ بۇل تاريحي سامميت ەكى ەل باسشىلارىنىڭ ساياسي ەرىك-جىگەرىنىڭ ارقاسىندا مۇمكىن بولدى دەپ سانايدى. ولار قازىرگى زاماننىڭ ەڭ باستى پروبلەمالارىنا، سونىڭ ىشىندە ۋكرايناداعى اسكەري ءىس-قيمىلداردى توقتاتۋعا قاتىستى ورتاق شەشىم تابۋعا شىنايى نيەتتى ەكەنىن كورسەتتى"، دەلىنگەن حابارلامادا.
بۇعان دەيىن ترامپ پەن ءپۋتيننىڭ الياسكاداعى كەلىسسوزدەرىنىڭ قورىتىندىسى جاريالانعانىن جازعانبىز. سونداي-اق بۇل كەزدەسۋگە قاتىستى ساياساتتانۋشىلار قانداي ويدا ەكەنىن دە جەتكىزگەن ەدىك.
