جوعارى بٸلٸكتٸ ماماندار ٷشٸن جاھاندىق بەسەكە كٷشەيٸپ جاتقان جاعدايدا قازاقستان جاڭا كٶشٸ-قون ساياساتىن قالىپتاستىرۋعا كٸرٸستٸ, دەپ حابارلايدى dalanews.kz.
بۇل مەسەلە «ەڭبەك رەسۋرستارىن دامىتۋ ورتالىعى» اق الاڭىندا ٶتكەن دٶڭگەلەك ٷستەلدە تالقىلاندى. ٸس-شاراعا مەملەكەتتٸك ورگاندار, حالىقارالىق ۇيىمدار, ساراپشىلار جەنە عىلىمي قاۋىمداستىق ٶكٸلدەرٸ قاتىستى.
كەزدەسۋ بارىسىندا جوعارى بٸلٸكتٸ مامانداردى, ينۆەستورلار مەن حالىقارالىق دەڭگەيدەگٸ كادرلاردى تارتۋ, ادامي كاپيتالدى دامىتۋ جەنە كٶشٸ-قون ٷدەرٸستەرٸن تسيفرلاندىرۋ مەسەلەلەرٸ كٶتەرٸلدٸ. سونداي-اق شەتەلدٸك ماماندار مەن كەسٸپكەرلەر ٷشٸن قازاقستاندا ۇزاق مەرزٸمدٸ جۇمىس ٸستەۋگە جەنە تۇرۋعا قولايلى جاعداي جاساۋ تەتٸكتەرٸ قاراستىرىلدى.
قر ەڭبەك جەنە حالىقتى ەلەۋمەتتٸك قورعاۋ بٸرٸنشٸ ۆيتسە-مينيسترٸ ەربول تۇياقباەۆ جاڭا ساياسات كٶشٸ-قون پروتسەستەرٸن تيٸمدٸ باسقارۋعا جەنە ادامي كاپيتالدى تارتۋعا باعىتتالعانىن ايتتى.
«قۇجاتتا “QazETA” بٸرىڭعاي تسيفرلىق پلاتفورماسىن “e-Residency” مودۋلٸمەن ەنگٸزۋ, “e-Residency Invest” باعدارلاماسىن ٸسكە قوسۋ, سونداي-اق جوعارى بٸلٸكتٸ ماماندار, ينۆەستورلار مەن كەسٸپكەرلەر ٷشٸن بٸرقاتار ارتىقشىلىقتاردى كٶزدەيتٸن ارنايى “التىن ۆيزانى” ەنگٸزۋ قاراستىرىلعان», – دەدٸ ەربول تۇياقباەۆ.
ونىڭ ايتۋىنشا, «التىن ۆيزا» ستراتەگييالىق ينۆەستورلار مەن ەكونوميكاعا قاجەت بٸلٸكتٸ مامانداردىڭ قۇقىقتىق مەرتەبەسٸن ۇزاق مەرزٸمگە بەكٸتۋگە مٷمكٸندٸك بەرەدٸ. جاڭا تەتٸك 2026 جىلدىڭ سوڭىنا دەيٸن ەنگٸزٸلەدٸ دەپ جوسپارلانىپ وتىر.
قر پرەزيدەنتٸ جانىنداعى قازاقستاندىق ستراتەگييالىق زەرتتەۋلەر ينستيتۋتىنىڭ ٶكٸلٸ اننا الشانسكايا ەلەم ەلدەرٸ قازٸر ادامي كاپيتال ٷشٸن بەسەكەنٸ كٷشەيتٸپ جاتقانىن اتاپ ٶتتٸ.
«قازاقستان بٸلٸكتٸ مامانداردى تارتۋدىڭ ٶڭٸرلٸك ورتالىعى رەتٸندە پرواكتيۆتٸ پوزيتسييا ۇستانا وتىرىپ, ٸشكٸ موبيلدٸلٸكتٸ تەڭگەرٸمدٸ اۋماقتىق دامۋدىڭ ماڭىزدى رەسۋرسى رەتٸندە پايدالانا الادى», – دەدٸ ول.
باستامالاردى حالىقارالىق كٶشٸ-قون ۇيىمى دا قولدادى. ۇيىم ٶكٸلدەرٸ يكەمدٸ ەرٸ اشىق كٶشٸ-قون جٷيەسٸ قازاقستاننىڭ حالىقارالىق بەسەكەگە بەيٸمدەلۋٸندەگٸ ماڭىزدى قادام بولاتىنىن ايتتى.
«مەملەكەت باسشىسىنىڭ شەشٸمٸن ٸسكە اسىرۋ حالىقارالىق بٸلٸكتٸ ماماندار مەن ينۆەستيتسييالاردى تارتۋعا عانا ەمەس, سونىمەن قاتار قازاقستاندىق جاستاردى بولاشاق ەڭبەك نارىعىنا بەيٸمدەۋگە دە جاڭا مٷمكٸندٸكتەر اشادى», – دەدٸ حكقۇ ميسسيياسى باسشىسىنىڭ مٸندەتٸن اتقارۋشى ەلييا بەلونوسوۆا.
ساراپشىلاردىڭ پٸكٸرٸنشە, جاڭا كٶشٸ-قون ساياساتى, تسيفرلاندىرۋ جەنە «التىن ۆيزا» تەتٸگٸ قازاقستاننىڭ ٶڭٸرلٸك دەڭگەيدە بٸلٸكتٸ ماماندار حابىنا اينالۋىنا مٷمكٸندٸك بەرۋٸ مٷمكٸن.
