بۇقارالىق اقپارات قۇرالدارى قىزمەتكەرلەرٸ كٷنٸ قارساڭىندا اقوردادا جۋرناليستەر مەن مەديا سالاسىنىڭ ٶكٸلدەرٸنە ارنالعان سالتاناتتى جيىن ٶتتٸ, دەپ حابارلايدى dalanews.kz.
پرەزيدەنت قاسىم-جومارت توقاەۆ جيىندا جۋرناليستەردٸ كەسٸبي مەرەكەسٸمەن قۇتتىقتاپ, وتاندىق تەلەۆيزييا مەن باسپاسٶزدٸڭ دامۋىنا ٷلەس قوسقان ارداگەرلەردٸ ەرەكشە اتاپ ٶتتٸ.
سولاردىڭ قاتارىندا قازاق تٸلٸندە تۇڭعىش ەفير جٷرگٸزگەن ديكتور زۇلقييا جۇماتوۆا دا بار. بٷگٸندە 106 جاسقا كەلگەن تەلەۆيزييا ارداگەرٸنە "قۇرمەت" وردەنٸ تابىستالدى.
مەملەكەت باسشىسى قازٸرگٸ مەديانىڭ دامۋىنا ٷلەس قوسىپ جٷرگەن تەجٸريبەلٸ جۋرناليستەرگە دە توقتالدى.
"قازٸر ورتامىزدا وتاندىق مەديانىڭ مەرتەبەسٸن ارتتىرىپ جٷرگەن تەجٸريبەلٸ ازاماتتار وتىر. ولاردىڭ قاتارىندا ەرتاي اشىقباەۆ, تاتيانا كورەتسكايا, قايرات مۇساقۇلوۆ, قىمبات دوسجان سىندى تانىمال جۋرناليستەر بار. تٸلشٸلەردٸڭ جاس بۋىنى سٸزدەرگە قاراپ بوي تٷزەيدٸ", – دەدٸ توقاەۆ.
سونداي-اق بيىل العاش رەت ٶڭٸرلەردە ەڭبەك ەتٸپ جٷرگەن جۋرناليستەرگە دە پەتەر كٸلتٸ تابىستالاتىنى ايتىلدى. جالپى وسى جىلى 66 مەديا مامانى باسپانالى بولماق.
اقوردا مەلٸمەتٸنشە, سوڭعى ٷش جىلدا 200 جۋرناليست پەن مەديا سالاسىنىڭ قىزمەتكەرٸ مەملەكەتتەن ٷي العان.
