Buqaralyq aqparat quraldary qyzmetkerleri kúni qarsańynda Aqordada jýrnalister men media salasynyń ókilderine arnalǵan saltanatty jiyn ótti, dep habarlaidy dalanews.kz.
Prezident Qasym-Jomart Toqaev jiynda jýrnalisterdi kásibi merekesimen quttyqtap, otandyq televiziia men baspasózdiń damýyna úles qosqan ardagerlerdi erekshe atap ótti.
Solardyń qatarynda qazaq tilinde tuńǵysh efir júrgizgen diktor Zulqiia Jumatova da bar. Búginde 106 jasqa kelgen televiziia ardagerine "Qurmet" ordeni tabystaldy.
Memleket basshysy qazirgi medianyń damýyna úles qosyp júrgen tájiribeli jýrnalisterge de toqtaldy.
"Qazir ortamyzda otandyq medianyń mártebesin arttyryp júrgen tájiribeli azamattar otyr. Olardyń qatarynda Ertai Ashyqbaev, Tatiana Koretskaia, Qairat Musaqulov, Qymbat Dosjan syndy tanymal jýrnalister bar. Tilshilerdiń jas býyny sizderge qarap boi túzeidi", – dedi Toqaev.
Sondai-aq biyl alǵash ret óńirlerde eńbek etip júrgen jýrnalisterge de páter kilti tabystalatyny aityldy. Jalpy osy jyly 66 media mamany baspanaly bolmaq.
Aqorda málimetinshe, sońǵy úsh jylda 200 jýrnalist pen media salasynyń qyzmetkeri memleketten úi alǵan.
