جەزقازعاندا مەتاللۋرگ كٷنٸنە ارنالعان مەرەكەلٸك ٸس-شارالاردىڭ باستى وقيعاسى «قازاقمىس» توبى ۇيىمداستىرعان Metallurg Fest فەستيۆالٸ بولدى. وسى كەشتە قالانىڭ ورتالىق الاڭى مەرەكەلٸك دۋمانعا ۇلاسىپ, ۇلىتاۋ وبلىسىنىڭ مىڭداعان تۇرعىنى مەن قوناعىنىڭ باسىن قوستى, دەپ حابارلايدى dalanews.kz.
Metallurg Fest فەستيۆالٸن ٶتكٸزۋ كومپانييانىڭ يگٸ دەستٷرٸنە اينالدى. مەرەكە جىل سايىن جەزقازعاننىڭ, ۇلىتاۋ ٶڭٸرٸنٸڭ جەنە تۇتاس وتاندىق مەتاللۋرگييا سالاسىنىڭ دامۋىنا زور ٷلەس قوسىپ كەلە جاتقان مەتاللۋرگتەر مەن ولاردىڭ وتباسىنا دەگەن قۇرمەت پەن العىستىڭ بەلگٸسٸ رەتٸندە ۇيىمداستىرىلادى.
دەستٷرگە ساي فەستيۆال اۋقىمدى وتباسىلىق باعدارلامادان باستالدى. بالالار ٷشٸن ارنايى ويىن جەنە شىعارماشىلىق الاڭدار, اكۆاگريم ايماقتارى مەن ارت-كەڭٸستٸكتەر ەزٸرلەندٸ. انيماتورلار مەن الىپ قۋىرشاقتار كٸشكەنتاي قوناقتارعا شاتتىق سىيلاپ, مەرەكەنٸڭ سەنٸن كەلتٸردٸ. بالالار حيمييالىق شوۋ مەن سابىن كٶپٸرشٸكتەرٸ قويىلىمىن قىزىعا تاماشالاپ, توسىنسىيلارعا تولى مەرەكەلٸك پينياتانى زور قۋانىشپەن قارسى الدى.
كونتسەرتتٸك باعدارلامانى بەلگٸلٸ وتاندىق جٷرگٸزۋشٸلەر ەركەبۇلان مىرزابەك پەن مارات ورالعازين اشتى. ولار مەتاللۋرگتەردٸ كەسٸبي مەرەكەسٸمەن قۇتتىقتاپ, كٶرەرمەندەرگە ەرەكشە مەرەكەلٸك كٶڭٸل-كٷي سىيلادى.
كەشتٸڭ مۋزىكالىق باعدارلاماسى Timur Teams بي ۇجىمىنىڭ ەسەرلٸ شوۋىمەن باستالدى. ودان كەيٸن ساحنا تٶرٸنە شىققان IL’HAN زاماناۋي وتاندىق ەسترادا تىڭدارماندارىن ٶنەرٸمەن تەنتٸ ەتتٸ.
قازاقستاننىڭ حالىق ەرتٸسٸ بولات قۇسايىنوۆ پەن ەنشٸ BAYANSULU مەرەكەلٸك كەشكە ەرەكشە جىلۋلىق سىيلادى. ولاردىڭ ٶنەرٸن ەرتٷرلٸ بۋىن ٶكٸلدەرٸ ىستىق ىقىلاسپەن قابىلدادى.
كەشتٸڭ ەڭ جارقىن سەتتەرٸنٸڭ بٸرٸ اتاقتى «ياللا» توبىنىڭ ٶنەر كٶرسەتۋٸ بولدى. توپتىڭ كٶپشٸلٸككە تانىمال ەندەرٸ فەستيۆال قوناقتارىنىڭ بٸرنەشە بۋىنىن بٸرٸكتٸردٸ. كٶرەرمەندەر بٷگٸندە كلاسسيكاعا اينالعان تانىس ەۋەندەرگە قوسىلىپ بٸرگە ەن شىرقادى.
Sadraddin-نٸڭ ساحناعا شىعۋى مەرەكەلٸك كەشكە ەرەكشە سەرپٸن بەردٸ. العاشقى مينۋتتاردان-اق الاڭ اشىق اسپان استىنداعى ٷلكەن بي الاڭىنا اينالدى. كٶرەرمەندەر سٷيٸكتٸ ەندەرٸنە قوسىلىپ, بٸرگە بيلەپ, ٶنەر يەسٸن زور قوشەمەتپەن قارسى الدى.
Metallurg Fest فەستيۆالٸنٸڭ قورىتىندى بٶلٸگٸندە مادييار تويبولدى جەتەكشٸلٸك ەتەتٸن Ne Prosto Orchestra ٶنەر كٶرسەتتٸ. الماتىدان كەلگەن تەۋەلسٸز سيمفونييالىق وركەستر وتاندىق ەسترادا شىعارمالارىن, ەلەمدٸك تانىمال تۋىندىلاردى, رەترو-كومپوزيتسييالار مەن بەلگٸلٸ كينوفيلمدەردەن الىنعان ەۋەندەردٸ بٸرٸكتٸرگەن ەرەكشە مۋزىكالىق باعدارلاما ۇسىندى. سيمفونييالىق ەۋەن مەرەكەگە ەرەكشە سالتانات سىيلاپ, كونتسەرتتٸك باعدارلامانىڭ قورىتىندى نٷكتەسٸن قويدى.
كەشتٸڭ شارىقتاۋ شەگٸ – جەزقازعان اسپانىن سان الۋان تٷسكە بٶلەگەن ەسەرلٸ مەرەكەلٸك وتشاشۋ بولدى. كونتسەرت اياقتالعاننان كەيٸن دە قالا تۇرعىندارى مەن قوناقتارى الاڭنان بٸردەن تارقاماي, ەستەلٸك سۋرەتكە تٷسٸپ, العان ەسەرٸمەن بٶلٸسٸپ, بٸر-بٸرٸن مەتاللۋرگ كٷنٸمەن قۇتتىقتادى.
