«قازاقمىس» كورپوراسياسى ءوزى جۇمىس ىستەيتىن بارلىق وڭىردە دەنساۋلىق ساقتاۋ جۇيەسىن دامىتۋعا قولداۋ كورسەتۋدى جالعاستىرىپ جاتىر. بۇل باعىتتاعى ماڭىزدى قادامداردىڭ ءبىرى — «جەزقازعان مەديسينالىق ورتالىعى» ج ش س بازاسىنداعى كارديوحيرۋرگيالىق كومەكتى دامىتۋ، دەپ حابارلايدى Dalanews.kz.
2026 جىلعى 5–7 ناۋرىز ارالىعىندا مەديسينالىق ورتالىقتا جۇرەك-قانتامىر جۇيەسىنىڭ اۋىر دياگنوزدارى بار پاسيەنتتەرگە كەزەكتى كارديوحيرۋرگيالىق وپەراسيالار وتكىزىلدى. وپەراسيالار ەلدىڭ جەتەكشى ماماندارىنان قۇرالعان University Medical Center (UMC) كومانداسىمەن بىرلەسىپ، ۇلىتاۋ وبلىسىنىڭ دەنساۋلىق ساقتاۋ باسقارماسى مەن الەۋمەتتىك مەديسينالىق ساقتاندىرۋ قورىنىڭ قولداۋىمەن جۇرگىزىلۋدە.
2026 جىلى «قازاقمىس» كورپوراسياسى كارديوحيرۋرگيالىق قىزمەتتى دامىتۋعا جانە جوعارى مامانداندىرىلعان وپەراسيالاردى جۇرگىزۋگە قوسىمشا 447 ملن تەڭگە ءبولدى. بۇل قاراجات مەديسينالىق ورتالىقتىڭ مۇمكىندىكتەرىن كەڭەيتىپ، كۇردەلى وپەراسيالاردى پاسيەنتتەردى رەسپۋبليكالىق ءىرى كلينيكالارعا جىبەرمەي-اق جەرگىلىكتى جەردە جاساۋعا مۇمكىندىك بەردى.
بۇگىنگى تاڭدا مەديسينالىق ورتالىقتا 16 اورتوكورونارلىق شۋنتتاۋ (اكش) وپەراسياسى ءساتتى ورىندالدى. ۇلىتاۋ وبلىسىنىڭ دەنساۋلىق ساقتاۋ جۇيەسى ءۇشىن بۇل — جۇرەك-قانتامىر اۋرۋلارى بار پاسيەنتتەردى ەمدەۋدە جاڭا مۇمكىندىكتەر اشاتىن ماڭىزدى قادام.
اتالعان وپەراسيالاردىڭ مىندەتتى الەۋمەتتىك مەديسينالىق ساقتاندىرۋ (ءمامس) جۇيەسى اياسىندا جۇرگىزىلەتىنى دە ماڭىزدى. سونىڭ ارقاسىندا ءوڭىر تۇرعىندارى جوعارى تەحنولوگيالىق مەديسينالىق كومەكتى تەگىن الا الادى.
كارديوحيرۋرگيالىق قىزمەتتى دامىتۋ وڭىردەگى مەديسينالىق كومەكتىڭ دەڭگەيىن ايتارلىقتاي ارتتىرۋعا مۇمكىندىك بەرەدى. اتاپ ايتقاندا، قان اينالىمى جۇيەسى اۋرۋلارىنان بولاتىن ءولىم-جىتىمدى ازايتۋعا، پاسيەنتتەردىڭ باسقا وڭىرلەرگە شىعۋ قاجەتتىلىگىن قىسقارتۋعا جانە ۇلىتاۋ وبلىسىنىڭ تۇرعىندارى ءۇشىن جوعارى تەحنولوگيالىق مەديسينانىڭ قولجەتىمدىلىگىن ارتتىرۋعا ىقپال ەتەدى.
سونىمەن قاتار قۋاتتى كارديوحيرۋرگيالىق قىزمەتتىڭ قالىپتاسۋى وڭىردەگى ءىرى ونەركاسىپتىك كاسىپورىندار قىزمەتكەرلەرىنىڭ مەديسينالىق قاۋىپسىزدىگىن قامتاماسىز ەتۋدە ماڭىزدى ءرول اتقارادى. بۇل باعىتتىڭ دامۋى الەۋمەتتىك مەديسينالىق ساقتاندىرۋ قورى ارقىلى مەديسينالىق قىزمەتتەردى تۇراقتى قارجىلاندىرۋدى قالىپتاستىرىپ، جەزقازعان مەديسينالىق ورتالىعىنىڭ وبلىستىق كارديولوگيالىق ورتالىق رەتىندەگى مارتەبەسىن نىعايتۋعا مۇمكىندىك بەرەدى.
«قازاقمىس» كورپوراسياسىندا دەنساۋلىق ساقتاۋ سالاسىن قولداۋ كومپانيانىڭ الەۋمەتتىك جاۋاپكەرشىلىگىنىڭ ماڭىزدى بولىگى. مەديسينالىق ينفراقۇرىلىمعا سالىنعان ينۆەستيسيالار ءوڭىر تۇرعىندارى ءۇشىن مەديسينالىق كومەكتىڭ ساپاسى مەن قولجەتىمدىلىگىن ارتتىرىپ، جالپى وبلىستىڭ دەنساۋلىق ساقتاۋ جۇيەسىنىڭ دامۋىنا ىقپال ەتەدى.
