"قازاقمىس كورپوراسياسى" ج ش س ءتوراعاسى جەزقازعان قالاسىندا بولعان وقيعاعا بايلانىستى ۇندەۋ جاريالادى، دەپ حابارلايدى Dalanews.kz.
ول 24 قاڭتاردا جاريالاندى.
بۇگىن ءبىز "كاسىپ قورعان" كاسىپوداق ۇيىمىنىڭ ءتوراعاسى توعىزباي تاجبەنوۆپەن قوشتاستىق. توعىزباي ابسامات ۇلىنىڭ قايتىس بولعانى تۋرالى قايعىلى حاباردى قاتتى قايعىرا وتىرىپ، قابىل الدىق.
"قازاقمىس كورپوراسياسى" ج ش س ءبىرىنشى باسشىسى رەتىندە كومپانيا بۇل قايعىلى جاعدايدىڭ سەبەپتەرىن انىقتاۋعا بار كۇش-جىگەرىن سالادى دەپ تولىقتاي ايتا الامىن. قازىرگى ۋاقىتتا قۇقىق قورعاۋ ورگاندارى قاجەتتى شارالاردى قابىلداۋدا، سودان كەيىن وقيعانىڭ بارلىق ءمان-جايلارى انىقتالادى.
وسى قايعىلى وقيعانىڭ توڭىرەگىندە قازىرگى ۋاقىتتا ءتۇرلى پىكىرلەر ايتىلىپ جاتىر. مەن بۇل لاۋازىمعا توعىزباي تاجبەنوۆتى ادال، پاراساتتى جانە جوعارى كاسىبي قاسيەتتەرى ءۇشىن ۇسىنعانىمدى اتاپ وتكىم كەلەدى.
سول سەبەپتى دە مەرزىمىنەن بۇرىن قورىتىندى جاساۋدان باس تارتىپ، تەرگەۋ ناتيجەلەرىن كۇتۋ كەرەك دەپ سانايمىن.
مەن ورنى تولماس قايعىعا بايلانىستى توعىزباي ابسامات ۇلىنىڭ تۋىستارى مەن جاقىندارىنا شىن جۇرەكتەن قايعى مەن قايعى-قاسىرەتتەرىنە ورتاقتاسىپ، كوڭىل ايتامىن.
21 قاڭتاردا "كاسىپقورعان" كاسىپوداعىنىڭ ءتوراعاسى توعىزباي تاجبەنوۆ قىزمەتتىك كەڭسەدە ءوزارا سوزگە كەلگەن "قازاقمىس كورپوراسياسى" ج ش س باس ديرەكتورى امانگەلدى ءمىنىعۇلوۆتى توبەلەس كەزىندە پىشاقپەن جاراقاتتادى.
سونداي-اق، ەكەۋىنە ارا تۇسپەك بولعان كورپوراسيانىڭ قىزمەتكەرى سابىرجان تەمبايەۆ تا كەۋدە تۇسىنان پىشاق جاراقاتىن الدى. وسى جايتتاردان سوڭ كاسىپوداق قىزمەتكەرى وز-وزىنە قول جۇمسادى دەلىندى. ءبىراق ونى ءولتىرۋ فاكتىسى دە تەكسەرىلىپ جاتىر.
دارىگەرلەر جاراقاتتانعان ەكەۋگە وتا جاسالعانىن حابارلاعان.
بۇل وقيعاعا نە سەبەپ بولۋى مۇمكىن ەكەندىگىنە قاتىستى سالالىق جۇمىسشىلار كاسىپوداعىنىڭ ءتوراعاسى مۇرات ماشكەنوۆ ءوز بولجامىمەن بولىسكەن.
ماشكەنوۆ پىشاققا تۇسكەن ءمىنىعۇلوۆتى تانىمايتىنىن باسا اتاپ وتكەن. ءبىراق وز-وزىنە قول جۇمساعان تاجبەنوۆپەن بىرگە ول جۇمىس بارىسىمەن جاقسى تانىس ەكەن.
- ول سابىرلى ادام بولاتىن، دەگەنمەن ادىلەتسىزدىككە كەلگەندە ەشنارسەگە توزبەيتىن، بىردەن كوتەرىلىپ شىعاتىن، مەنىڭشە، بىزدەگى ءار ەكىنشى ادام "وسىنداي" شىعار، - دەدى ماشكەنوۆ.
شىن مانىندە، سالالىق كاسىپوداق قۇرامىنا كىرەتىن ۇجىمداردا ىشكى جانجال، نارازىلىققا كەلەتىن بولساق، ول بولەك اڭگىمە.
- ونداي بىزدە ۇنەمى بولىپ تۇرادى: ۇيىم ۇلكەن، رەسپۋبليكالىق مارتەبەگە يە، شامامەن 60 مىڭ ادام جۇمىس ىستەيدى. ءار ۇجىمدا جالاقىعا، ەڭبەك جاعدايلارى بويىنشا ءتۇرلى شاعىم مەن تالاپتار بولادى عوي. ول وسى ماسەلەلەردىڭ بارىمەن بەتپە-بەت كەلىپ جۇرگەن ادام. شاماسى، وسىنداي كەزدە قانداي دا ءبىر شيەلەنىس ۋشىققان بولۋى مۇمكىن.
تاجبەنوۆ ۇجىمدىق ورگانداردىڭ كەلىسىمىنسىز ءوز بەتىنشە كوبىنە شەشىم قابىلداي باستادى سوڭعى كەزدەرى.
ەگەر ۇجىمدىق ورگاندار دەڭگەيىندە وسى ماسەلەلەر قارالسا، جۇمىس بەرۋشىمەن ۇستەل باسىندا ماسەلەنى شەشۋگە بولار ەدى، وندا بۇل جانجال بولماس پا ەدى. (...) قانداي دا ءبىر قاقتىعىس بولدى عوي، ءبىر-بىرىن جاقتىرماي قالدى ما نەمەسە باسقا نارسە بولدى ما ەكەن. ۇستەل باسىنا وتىرىپ، كەلىسسوز جۇرگىزۋدىڭ ورنىنا، مىنە وسىنداي ىڭعايسىز جاعداي ورىن الدى، سوڭى توبەلەسكە، قول جۇمساۋعا ۇلاسقان، - دەدى ول.
