قازاق حاندارىنىڭ حاتتارى تابىلدى
حالىقارالىق تٷركٸ اكادەميياسى عالىمدارىنان قۇرالعان دەلەگاتسييانىڭ بەيجٸڭگە ساپارى بارىسىندا قازاق حاندىعى تاريحىنىڭ جاڭا بەتتەرٸن اشاتىن قۇندى قۇجاتتار تاپتى. سونداي-اق, ولار قازاق حاندىعىنىڭ قۇرىلۋىنىڭ 550 جىلدىعىنا ارنالعان جيىن ٶتكٸزدٸ.
حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ ەلباسىنىڭ ۇلىتاۋ تٶرٸندە بەرگەن سۇحباتىنداعى ٷزٸندٸنٸ كەلتٸردٸ. وندا: «قازاق جۇرتىنىڭ ارعى تٷبٸ عۇنداردان باستالادى. عۇنداردان كەيٸن كٶك تٷركٸلەرگە جالعاسادى. ودان كەيٸن التىن وردا ورنىعادى. سٶيتٸپ, حاندىق دەۋٸرگە ۇلاسىپ, كەيٸن بٸرتٸندەپ تەۋەلسٸزدٸككە كەلٸپ تٸرەلەدٸ», – دەلٸنگەن. قىتايلىق عالىمدار قازاق حاندىعىنىڭ ماتەريالدارىنا قىزىعۋشىلىق تانىتتى.
«قازاق عالىمدارىنىڭ بٸزدٸڭ ينستيتۋتقا كەلٸپ, بايانداما وقىپ, پٸكٸر بٶلٸسۋٸ قازاق تاريحىنىڭ, جالپى قازاق حالقى تۋرالى بٸزدٸڭ تٷسٸنٸگٸمٸزدٸ كەڭەيتتٸ. وسى سىندى شارالار بٸزدٸڭ ستراتەگييالىق ماڭىزدى كٶرشٸمٸز قازاقستانمەن گۋمانيتارلىق-مەدەني قاتىناستىڭ كەڭەيۋٸنە وڭ ەسەرٸن تيگٸزەدٸ», – دەپ اتاپ ٶتتٸ قىتاي قوعامدىق عىلىمدار اكادەميياسىنىڭ ەتنولوگييا جەنە انتروپولوگييا ينستيتۋتىنىڭ ديرەكتورى ۆان يانچجۋن.
بەلگٸلٸ عالىم, پروفەسسور باي تسۋي تسيننٸڭ سٶزٸنە قاراعاندا, 1950 جىلدان قىتاي تٸلٸندە قازاق حالقىنىڭ تاريحى مەن مەدەنيەتٸ تۋرالى 2600-دەن استام عىلىمي ماقالا مەن 10-نان استام كٸتاپ جارىق كٶردٸ. سوڭعى كەزدەرٸ اتالعان باعىتتى زەرتتەۋ بويىنشا دوكتورلىق جەنە ماگيسترلىق جۇمىستار سانى كٶبەيگەن.
ساپار بارىسىندا حتا عالىمدارى قازاق حاندىعى تۋرالى بۇرىن جارييالانباعان قۇندى قۇجاتتاردى قولعا تٷسٸردٸ. سولاردىڭ ٸشٸندە قازاق حاندارى مەن سۇلتاندارىنىڭ تسين يمپەراتورىنا شاعاتاي جەنە قالماق تٸلدەرٸندە جازعان حاتتارى, قازاق حاندىعى مەن تسين مەملەكەتٸ اراسىنداعى ديپلوماتييالىق بايلانىس تۋرالى مانچجۋر تٸلٸندەگٸ ماڭىزدى قولجازبالار بار.
