قىرعىزستاننىڭ ۇلتتىق قاۋٸپسٸزدٸك مەملەكەتتٸك كوميتەتٸ ەنشٸ قايرات پريمبەرديەۆتٸ قاماۋعا الدى. ول بۇعان دەيٸن كەنەسارى حاننىڭ ٶلٸمٸ ٷشٸن كەشٸرٸم سۇراعان بولاتىن, دەپ حابارلايدى Dalanews.kz 24.kg سايتىنا سٸلتەمە جاساپ.
باسىلىم مەلٸمەتٸنشە, ول ۇلتارالىق ارازدىقتى قوزدىرۋعا باعىتتالعان مەلٸمدەمە جاساعانى ٷشٸن قاماۋعا الىنعان. ۆەدومستۆو ەنشٸنٸڭ ەلدەن شىعۋىنا تىيىم سالدى.
قازٸرگٸ ۋاقىتتا تيٸستٸ تەرگەۋ جەنە پروتسەسسۋالدىق شارالار جٷرٸپ جاتىر. قىرعىزستاندا نەسٸلدٸك, ۇلتتىق, ۇلتتىق, دٸني نەمەسە ايماقارالىق ارازدىقتى قوزدىرۋعا باعىتتالعان ەرەكەتتەر ٷشٸن 10 جىلعا دەيٸن باس بوستاندىعىنان ايىرۋ جازاسى قاراستىرىلعان.
ەسكە سالايىق, بۇعان دەيٸن قىرعىزستاندىق ەنشٸ قايرات پريمبەرديەۆ قازاق حالقىنان كەنەسارى حاننىڭ ٶلٸمٸ ٷشٸن كەشٸرٸم سۇراعانى ٷشٸن سىنعا ۇشىراعان بولاتىن.
قازاقستاندىق باق-تىڭ بٸرٸ قايرات پريمبەرديەۆتەن سۇحبات العان بولاتىن. ەنشٸ تاريحي وقيعالارعا قاتىستى پٸكٸر بٸلدٸرٸپ, ٶتكەنگە ٶكٸنٸش بٸلدٸرگەن. ول قىرعىز حانى ورمون حاننىڭ كەنەسارى قاسىموۆتىڭ باسىن الۋعا مەجبٷر بولعانىن ايتىپ, قازاق حالقىنان كەشٸرٸم سۇرادى:
«بٸزدٸڭ ورمون حان كەنەسارى حاندى ٶلتٸرۋگە مەجبٷر بولعان. مەن بۇل ٷشٸن قازاق حالقىنان كەشٸرٸم سۇراعىم كەلەدٸ. بۇل جاعداي ٷشٸن شىن جٷرەكتەن كەشٸرٸم سۇرايمىن. قازٸر جىلاعىم كەلٸپ تۇر, راسىندا. بٸز كەنەسارى حاننىڭ باسىن قايتارىپ, قۇران وقىپ, بۇل ٶكپەنٸ لايىقتى تٷردە ۇمىتۋىمىز كەرەك», — دەدٸ ول سۇحباتىندا.
الايدا بۇل سٶزدەرٸ ٷشٸن ەنشٸ سىننىڭ استىندا قالدى, ول «قازاقستاننىڭ پروپاگانداسىنا ەردٸ» دەپ ايىپتالدى. 24.kg باسىلىمى قىرعىزستاننىڭ مەدەنيەت ۆيتسە-مينيسترٸ مارات تاعاەۆتىڭ پٸكٸرٸن جارييالادى. ول قايرات پريمبەرديەۆ «قازاقستاننىڭ ىقپالىنا تٷسٸپ قالعانىن» ايتتى.
شەنەۋنٸكتٸڭ پٸكٸرٸنشە, قىرعىزدار ٶز جەرٸن قورعاعان ورمون حاننىڭ ەرەكەتٸ ٷشٸن كەشٸرٸم سۇراماۋى كەرەك. جاستار تاريحىن بٸلۋٸ ٷشٸن قىرعىزستاندا ٶزدەرٸنٸڭ تاريحي فيلمدەرٸن تٷسٸرۋ قاجەت ەكەنٸن اتاپ ٶتتٸ.
قايرات پريمبەرديەۆ بۇل جاعدايعا قايتادان تٷسٸنٸكتەمە بەرٸپ, سٶزدەرٸنٸڭ كونتەكستەن ٷزٸپ الىنعانىن ايتتى:
«مەن بۇل سٶزدەردٸ شىن جٷرەكتەن, دوستىق نيەتپەن ايتتىم. بٸراق كەيبٸر سٶزدەر كونتەكستەن ٷزٸلٸپ, بۇرىس تٷسٸنٸك بولعان. مەن سۇحباتىمدا كەنەسارى حان مەن ورمون حانعا قاتىستى تاريحي وقيعالاردى باياندادىم. بۇل جەردە مەن حالىقتارىمىزدىڭ تاتۋلاسۋى ٷشٸن كەشٸرٸم سۇرادىم», — دەدٸ ەنشٸ.
