ارداگەر جۋرناليست مارات توقاشبايەۆ قازاقستان كونستيتۋسياسىنىڭ پرەامبۋلاسىنا وزگەرىس ەنگىزۋ قاجەتتىگىن ايتتى. ونىڭ پىكىرىنشە، مەملەكەت قۇراۋشى قازاق حالقىنىڭ مارتەبەسى مەن ۇلتتىق مەملەكەتتىلىك قاعيداتى نەگىزگى زاڭنىڭ اڭداتپاسىندا ناقتى كورىنىس تابۋى ءتيىس، دەپ حابارلايدى Dalanews.kz.

“ءبىز، مەملەكەت قۇراۋشى قازاق حالقى مەن بايىرعى قازاق جەرىن مەكەن ەتكەن ءتۇرلى ۇلت وكىلدەرى، ءبىرتۇتاس قازاقستان حالقىن قۇراپ، ءوز ەلىمىزدە بارلىق ءتۇرلى وكىلدەرىنىڭ ازاماتتىق قۇقىقتارى مەن تەڭدىگىن تەرەڭ قورعالاتىن ۇلتتىق مەملەكەتىمىزدى نىعايتا وتىرىپ، دەگەن ءسوز قوسىلۋى ءتيىس”، — دەيدى ول.

ونىڭ ايتۋىنشا، مۇنداي تولىقتىرۋ مەملەكەت سيپاتىنىڭ ۇلتتىق ەكەنىن ايقىن كورسەتەدى.

توقاشبايەۆ بۇل باستامانى 1990 جىلعى 25 قازاندا قابىلدانعان مەملەكەتتىك ەگەمەندىك تۋرالى دەكلاراسيامەن بايلانىستىردى. ول رەسپۋبليكا كۇنى رەتىندە اتالىپ وتەتىن بۇل قۇجات قازاقستاننىڭ ۇلتتىق مەملەكەتتىگىن ساقتاۋ، قورعاۋ جانە نىعايتۋ باعىتىن ايقىنداپ بەرگەنىن اتاپ ءوتتى.

“بۇل مەرەكەنى اتاپ ءوتۋ كەيىنگى 2–3 جىلدا عانا قايتا جانداندى. دەمەك، مەملەكەت وسى قادام ارقىلى مەملەكەتتىك ەگەمەندىك تۋرالى دەكلاراسيانى ۇمىتپاعانىن، ونى ەستە ساقتاپ، باسشىلىققا الاتىنىن كورسەتىپ وتىر”، - دەپ قوستى ول.

جۋرناليست دەكلاراسيانىڭ ەكىنشى بابىندا قازاقستان ۇلتتىق مەملەكەتتىلىكتى نىعايتۋعا باعىتتالعان شارالار قابىلداۋعا مىندەتتى ەكەنى جازىلعانىن ەسكە سالدى. سونىمەن قاتار، بۇل قۇجات بولاشاقتا قابىلداناتىن كونستيتۋسيالىق اكتىلەرگە نەگىز بولادى دەگەن تۇجىرىم بارىن اتاپ ءوتتى.

“مىنە، مەنىڭ ۇسىنىسىم وسى ارنادان تۋىنداپ وتىر”، - دەدى ول.

مارات توقاشبايەۆتىڭ پىكىرىنشە، ۇسىنىلعان وزگەرىستەر تاريحي قۇجاتتاعى قاعيدالاردى جالعاستىرىپ، ەلدىڭ كونستيتۋسيالىق نەگىزىن نىعايتا تۇسۋگە مۇمكىندىك بەرەدى.