الماتىدا كەزەكتى ءتىل داۋى بولدى. Gusto مەيرامحاناسىنىڭ اكىمشىسى قازاق تىلىندە قىزمەت كورسەتۋدەن باس تارتقان. كومپانيا وكىلدەرى بۇل جايتقا قاتىستى پىكىر ءبىلدىردى، دەپ حابارلايدى Dalanews.kz.
Gusto مەيرامحاناسى قازاقستان رەسپۋبليكاسىنىڭ زاڭدارىن جانە مەملەكەتتىك ءتىلدى قۇرمەتتەيمىز دەيدى. ولار قوناقتارعا ءۇش تىلدە قىزمەت كورسەتەمىز دەپ اقتالدى.
"ءبىز قوناقتارعا قازاق، ورىس جانە اعىلشىن تىلدەرىندە قىزمەت كورسەتەمىز. الەۋمەتتىك جەلىلەردە جاريالانعان بەينەماتەريال قوسىمشا زەردەلەۋدى قاجەت ەتەدى. قازىرگى ۋاقىتتا ىشكى تەكسەرۋ جۇرگىزىلىپ جاتىر. تەكسەرۋ ناتيجەلەرى بويىنشا ءتيىستى شارالار قابىلدانادى"، - دەيدى مەيرامحانا وكىلدەرى.
ەسكە سالايىق، وقيعا شىمبۇلاق تاۋ-شاڭعى كۋرورتىندا ورنالاسقان Gusto مەيرامحاناسىندا بولعان. بۇل تۋرالى الەۋمەتتىك جەلى قولدانۋشىسى پاراقشاسىندا جازعان.
