Almatyda kezekti til daýy boldy. Gusto meiramhanasynyń ákimshisi qazaq tilinde qyzmet kórsetýden bas tartqan. Kompaniia ókilderi bul jaitqa qatysty pikir bildirdi, dep habarlaidy Dalanews.kz.
Gusto meiramhanasy Qazaqstan Respýblikasynyń zańdaryn jáne memlekettik tildi qurmetteimiz deidi. Olar qonaqtarǵa úsh tilde qyzmet kórsetemiz dep aqtaldy.
"Biz qonaqtarǵa qazaq, orys jáne aǵylshyn tilderinde qyzmet kórsetemiz. Áleýmettik jelilerde jariialanǵan beinematerial qosymsha zerdeleýdi qajet etedi. Qazirgi ýaqytta ishki tekserý júrgizilip jatyr. Tekserý nátijeleri boiynsha tiisti sharalar qabyldanady", - deidi meiramhana ókilderi.
Eske salaiyq, oqiǵa Shymbulaq taý-shańǵy kýrortynda ornalasqan Gusto meiramhanasynda bolǵan. Bul týraly áleýmettik jeli qoldanýshysy paraqshasynda jazǵan.
