استانا قالاسىنداعى نازارباەۆ زيياتكەرلٸك مەكتەبٸنٸڭ وقۋشىسى فاريزا فازىل بەدەلدٸ The New York Times Open Letter Contest حالىقارالىق بايقاۋىندا ەلەم بويىنشا ٷزدٸك وندىقتىڭ قاتارىنا ەندٸ. بيىل بايقاۋعا ەلەمنٸڭ ەر تٷكپٸرٸنەن ون مىڭعا جۋىق ادام قاتىسىپ, سولاردىڭ ٸشٸنەن تەك 10 قاتىسۋشىنىڭ عانا حاتى ەلەمگە تانىمال باسىلىمدا جارييالانۋ مٷمكٸندٸگٸنە يە بولدى, دەپ حابارلايدى Dalanews.kz.
فاريزا ٶزٸنٸڭ اشىق حاتىندا قازاق قىزدارىنىڭ ەسٸمدەرٸنە بايلانىستى دەستٷرلەر تاقىرىبىن قوزعاعان. بۇل وي وعان ٷلكەندەردٸڭ ەڭگٸمەلەرٸ مەن دوستارىنىڭ تەجٸريبەسٸ, سونداي-اق ەلەۋمەتتٸك جەلٸلەر مەن مەدياداعى پٸكٸرتالاستاردان كەيٸن كەلگەن. ٶز باسىنان مۇنداي جاعداي ٶتپەسە دە, فاريزا بۇل مەسەلەنٸ جٷرەكپەن قابىلداپ, ٸشكٸ تولعانىسىن كٶركەم ەرٸ تەرەڭ جەتكٸزە بٸلگەنٸ ٷشٸن قازىلار القاسىنىڭ نازارىن اۋداردى.
"بۇرىنعى جەڭٸمپازداردىڭ حاتتارىن وقىپ شىققان سوڭ, مەن دە ٶزٸمە ماڭىزدى تاقىرىپتى قاعاز بەتٸنە تٷسٸرگٸم كەلدٸ. قىز بالاعا قويىلاتىن ەسٸم – جاي عانا تاڭداۋ ەمەس, ونىڭ ٶمٸر جولىنا ەسەر ەتەتٸن دەستٷردٸڭ كٶرٸنٸسٸ ەكەنٸ ويلاندىردى", – دەپ كەلتٸرەدٸ فاريزانىڭ سٶزٸن nis.edu.kz.
بايقاۋ شارتى بويىنشا, قاتىسۋشىلار اشىق حات جانرىندا ماقالا جازۋى تيٸس بولعان. بۇل فورمات – ناقتى بٸر اۋديتوريياعا ٷندەۋ جولداي وتىرىپ, بٷكٸل قوعام ٷشٸن ماڭىزدى تاقىرىپتى قوزعاۋعا مٷمكٸندٸك بەرەدٸ. مٸندەتتٸ شارتتاردىڭ بٸرٸ – حات تەك اقپارات بەرٸپ قانا قويماي, وقىرماندى ەرەكەت ەتۋگە نەمەسە ويلانۋعا يتەرمەلەۋٸ كەرەك.
ايتا كەتەيٸك, فاريزا حالىقارالىق دەڭگەيدەگٸ بٸلٸم بايقاۋلارىندا بۇعان دەيٸن دە جەتٸستٸكتەرگە جەتكەن. 2025 جىلى Infomatrix Asia سايىسىندا ەكٸنشٸ ورىن يەلەنسە, Technovation Girls جوباسىندا قازاقستان اتىنان جارتىلاي فيناليست اتانعان.
گۋمانيتارلىق باعىتتاعى جەتٸستٸكتەرٸنە قاراماستان, فاريزا بولاشاعىن عىلىممەن بايلانىستىرادى, ناقتىراق ايتقاندا – بيومەديتسينالىق ينجەنەرييامەن.
– ماقالا, ەسسە جازعان ماعان ۇنايدى. بۇل – شىنايى تولعاندىرعان تاقىرىپ تۋرالى ەركٸن وي ايتۋ مٷمكٸندٸگٸ. بٸراق بولاشاقتا مەن عىلىم ارقىلى ناقتى ٶزگەرٸس جاساعىم كەلەدٸ, – دەيدٸ فاريزا.
