– قازاق پەن وزبەك حالقىن ورتاق تاريحي تامىرلاستىقپەن قاتار، مادەني-رۋحاني قۇندىلىقتاردىڭ، ءتىلىمىز بەن سالت-داستۇرلەرىمىزدىڭ ۇقساستىعى بىرىكتىرەدى. ال قازاقستاندىق وزبەكتەر – قازاقستان حالقىنىڭ اجىراماس بولىگى، ەلىمىزدىڭ تەڭ قۇقىقتى ازاماتتارى» دەپ اتاپ ءوتتى م.ءازىلحانوۆ.
اۋىلى ارالاس، قويى قورالاس ەكى باۋىرلاس حالىقتىڭ تاريحي تامىرلاستىعى جانە تىلدەرى مەن مادەنيەتتەرىنىڭ جاقىندىعى – ەلدەگى تۇراقتىلىقتى ساقتاۋ مەن ءبىرتۇتاس ازاماتتىق بىرەگەيلىكتى قالىپتاستىرۋدىڭ ماڭىزدى فاكتورى.
شىمكەنتتە تۇراتىن وزبەك ەتنوسىنىڭ وكىلدەرى قالا حالقىنىڭ 17،5 پايىزىن قۇرايدى. قالادا وزبەك تىلىندە وقىتاتىن ءتورت مەكتەپ، 32 ارالاس مەكتەپ بار.
شىمكەنت قالاسىندا وزبەك دراما تەاترى جۇمىس ىستەيدى. بۇل – وزبەكستاننان تىس جەردە اشىلعان الەمدەگى جالعىز وزبەك دراما تەاترى. تەاتر وزبەك مادەنيەتىنىڭ دامۋىنا عانا ەمەس، جالپى قازاقستاندىق بىرەگەيلىكتىڭ نىعايۋىنا دا ءوز ۇلەسىن قوسۋدا. 18 جىل ىشىندە تەاتردا 100-دەن استام قويىلىم ساحنالاندى، ولاردىڭ قاتارىندا م.اۋەزوۆتىڭ «اباي»، ش. ايتماتوۆتىڭ «شىڭعىسحاننىڭ اق بۇلتى»، ا. ورازبەكوۆتىڭ «جالعىز الما اعاشى»، س. دوسانوۆتىڭ «قاسقىر ۇلىعان ءتۇن» شىعارمالارى بار.
قحا ءتوراعاسىنىڭ ورىنباسارى شىمكەنت قالاسى تۇرعىندارىنىڭ قازاقستاندىق ازاماتتىق بىرەگەيلىگىن نىعايتۋ، ەتنوسارالىق ءوزارا ءىس-قيمىلدىڭ كەڭ كوممۋنيكاسيالىق الاڭدارىن قالىپتاستىرۋ باعىتىندا نىسانالى جانە بىرلەسكەن جۇمىستى جالعاستىرۋ قاجەتتىگىن اتاپ ءوتتى.
قازاقستاندىق وزبەكتەر وزبەك ەتنومادەني ورتالىقتارىنىڭ «دۋستليك» قاۋىمداستىعىنا بىرىكتىرىلگەنىن اتاپ وتكەن ءجون. ول قازاقستاننىڭ وبلىستارى مەن قالالارىنىڭ ەتنومادەني ورتالىقتارىن بىرىكتىرەدى. ەلدەگى وزبەك ەتنومادەني بىرلەستىكتەرىنىڭ سانى 35-كە جەتتى.
«دۋستليك» قاۋىمداستىعى وزبەك ەتنوسىنىڭ وكىلدەرىن قازاقستاندىق قوعامعا بىرىكتىرۋدەگى، ولاردى قازاقستاننىڭ تاۋەلسىزدىگىن نىعايتۋ پروسەسىنە تارتۋ جونىندەگى ميسسيانى جوعارى دەڭگەيدە ورىنداپ كەلەدى، قازاقستاننىڭ كوپەتنوستى حالقىنىڭ قۇرىلىمىندا وزبەك ەتنوسىنىڭ ايرىقشا ورنىن قامتاماسىز ەتەدى.
