– Qazaq pen ózbek halqyn ortaq tarihi tamyrlastyqpen qatar, mádeni-rýhani qundylyqtardyń, tilimiz ben salt-dástúrlerimizdiń uqsastyǵy biriktiredi. Al qazaqstandyq ózbekter – Qazaqstan halqynyń ajyramas bóligi, elimizdiń teń quqyqty azamattary» dep atap ótti M.Ázilhanov.
Aýyly aralas, qoiy qoralas eki baýyrlas halyqtyń tarihi tamyrlastyǵy jáne tilderi men mádenietteriniń jaqyndyǵy – eldegi turaqtylyqty saqtaý men birtutas azamattyq biregeilikti qalyptastyrýdyń mańyzdy faktory.
Shymkentte turatyn ózbek etnosynyń ókilderi qala halqynyń 17,5 paiyzyn quraidy. Qalada ózbek tilinde oqytatyn tórt mektep, 32 aralas mektep bar.
Shymkent qalasynda Ózbek drama teatry jumys isteidi. Bul – Ózbekstannan tys jerde ashylǵan álemdegi jalǵyz ózbek drama teatry. Teatr ózbek mádenietiniń damýyna ǵana emes, jalpy qazaqstandyq biregeiliktiń nyǵaiýyna da óz úlesin qosýda. 18 jyl ishinde teatrda 100-den astam qoiylym sahnalandy, olardyń qatarynda M.Áýezovtiń «Abai», Sh. Aitmatovtyń «Shyńǵyshannyń aq bulty», A. Orazbekovtyń «Jalǵyz alma aǵashy», S. Dosanovtyń «Qasqyr ulyǵan tún» shyǵarmalary bar.
QHA Tóraǵasynyń orynbasary Shymkent qalasy turǵyndarynyń qazaqstandyq azamattyq biregeiligin nyǵaitý, etnosaralyq ózara is-qimyldyń keń kommýnikatsiialyq alańdaryn qalyptastyrý baǵytynda nysanaly jáne birlesken jumysty jalǵastyrý qajettigin atap ótti.
Qazaqstandyq ózbekter Ózbek etnomádeni ortalyqtarynyń «Dýstlik» qaýymdastyǵyna biriktirilgenin atap ótken jón. Ol Qazaqstannyń oblystary men qalalarynyń etnomádeni ortalyqtaryn biriktiredi. Eldegi ózbek etnomádeni birlestikteriniń sany 35-ke jetti.
«Dýstlik» qaýymdastyǵy ózbek etnosynyń ókilderin qazaqstandyq qoǵamǵa biriktirýdegi, olardy Qazaqstannyń táýelsizdigin nyǵaitý protsesine tartý jónindegi missiiany joǵary deńgeide oryndap keledi, Qazaqstannyń kópetnosty halqynyń qurylymynda ózbek etnosynyń airyqsha ornyn qamtamasyz etedi.
