ول بۇنداي باعدارلامانى ويلاپ تاپقان ادامداردى «حالىق جاۋى» دەپ ساناۋ كەرەك دەدٸ.
«جالپى, مەملەكەتتٸك باعدارلامالار حالىقتى جارىلقاسا, ەلدەقاشان جارىلقايتىن ۋاقىتى بولدى عوي. بٸزدە وتباسىلىق ينستيتۋتتار اقساپ جاتىر. ادامدار ماتەريالدىق تۇرعىدان اجىراسىپ كەتۋدە. سان تٷرلٸ مەملەكەتتٸك باعدارلاما بار. ولاردىڭ بٸرازىنىڭ ساياساتى دۇرىس ەمەس.
«باقىتتى وتباسى» دەگەن باعدارلامانى الايىق. 2 پايىزدان باستالاتىن نەسيەمەن ٷي بەرەمٸز دەيدٸ. بٸراق بانككە بارۋىڭ, ەكٸمدٸككە ساندالىپ, كەزەككە تۇرۋ كەرەك. ولار كەزەككە تۇرىپ كەلەدٸ, العاشقى جارناسىن دا تٶلەپ كەلەدٸ, تاعىدا تولىپ جاتقان قۇجاتتاردى ٶتكٸزەدٸ. ەڭ ارتىنان, «بٸز جاعدايى جوق, تولىق ەمەس وتبىسىنا بەرەمٸز» دەيدٸ.
سودان ادامدار امالسىز, «تولىق ەمەس» دەگەن مەرتەبەنٸ الۋ ٷشٸن قۇجات جٷزٸندە اجىراسادى. كٶپبالالى بولا تۇرا, اجىراسۋ كەرەك. سوندا ٷيدٸ ون, ون بەس جىلعا نەسيەگە الۋ ٷشٸن اجىراسىپ كەتۋ كەرەك. نە دەگەن باعدارالما بۇل?
بۇل باعدارلامانى جاساعان ادامدى حالىق جاۋى دەپ تانۋىمىز كەرەك. ٶيتكەنٸ, ول ەرەڭ كٷنٸن كٶرٸپ جٷرگەن ازاماتتاردىڭ, وتباسىلاردىڭ اجىراسۋىنا بٸردەن-بٸر سەبەپكەر بولىپ كەلدٸ», -دەدٸ ول.
ونىڭ سٶزٸنشە, كٶپبالالى دەگەن قوعامدا تەرٸس ۇعىم قالىپتاستىرعان. ٷي-كٷيسٸز, بالا-شاعاسىن اسىراي الماي جٷرگەن, كەدەي, بٸلٸمسٸز, مۇقتاجى دەگەن ۇعىمداردى قوعامعا قالىپتاستىردى. بۇل دۇرىس ەمەس.
كەرٸسٸنشە, كٶپ بالاسى بار جانۇيالاردى دەرٸپتەپ, ونى مەرتەبە رەتٸندە كٶرسەتٸپ قانا قويماي, بارىنشا جاعداي جاساۋ كەرەك.
ول ٶزٸنٸڭ ويىن ٸسكە اسىرۋ ٷشٸن اقمولا وبلىسىنىڭ ارشالى اۋدانىندا ارنايى جوبا دا باستاعان.
«باقىتتى وتباسى» قالاشىعىندا قازٸر 5 وتباسى تۇرىپ جاتىر. ەڭ ازىندا 5 بالا, ەڭ كٶبٸندە 9 بالالى جانۇيالار بار. بارلىعى وتىزعا جۋىق بالا بار. ەرقايسىسىنا 170 شارشى مەترلٸك باسپانانى سالىپ, تاتۋ-تەتتٸ تۇرىپ جاتقان, بالالارىنا جاقسى تەربيە, بٸلٸم بەرگەن وتباسىلارعا تەگٸن تارتۋ ەتتٸك.
ول بٸزدٸڭ كوماندانىڭ قوعامعا تيگٸزٸپ جاتقان شاعىن عانا كٶمەگٸ. حالىققا ارنالعان پايىزسىز ٷي نەمەسە پايىزسىز كٶلٸك الۋ دەگەن بٸرنەشە جوبانى شىعاردىق. بٸر ادام ٷي, اۆتوكٶلٸك الىپ جاتسا, مەن ٶزٸم بالاشا قۋانامىن.
ٶز جوبامنىڭ اۆتورى رەتٸندە ايتار بولسام, قانداي قيىندىق بولسا دا اجىراسپاعان, ماحابباتتارىنا بەرٸك وتباسىلارعا ٷي بەرۋ. سٶزبەن ايتىپ قانا قويماي, ورىندادىق, بەردٸك. وسىنداي وتباسىلاردىڭ قازاق ەلٸندە بار ەكەنٸن ماقتانىشپەن ناسيحاتتاپ جەنە ونى ٷلگٸ ەتٸپ كٶرسەتۋ.
بٸراق جالاقىڭىز ٷي مەن كٶلٸك الۋعا جەتپەيدٸ. نەگە? ٶيتكەنٸ سٸزگە جەتپەيتٸندەي قىلىپ ەسەپتەپ قويعان. سٸز نەسيەگە كٸرۋٸڭٸز كەرەك. بانككە بارىپ نەسيەمەن ٷي العاننان كەيٸن, جاسىڭىز 25-تە بولسا, تٶلەپ بٸتكەن كەزدە 50 جاسقا كەلەسٸز. سوندا ٷيدٸ تٶلەپ بٸتكەن كەزدە, جالىنداعان جاستىق شاعىڭىز ٶتٸپ كەتەدٸ. ودان كەيٸن ايناعا قاراساڭىز سٸز مٷلدە باسقا ادامدى كٶرەسٸز. بٸز بۇل دٷنيەگە نەسيە تٶلەۋگە كەلدٸك پە? ٶمٸر سٷرۋگە كەلدٸك پە?. قازاقتار ٶمٸرگە نەيسە تٶلەۋ ٷشٸن كەلگەن جوق", - دەپ اشىندى شٷكەنوۆ.
