Ol bundai baǵdarlamany oilap tapqan adamdardy «halyq jaýy» dep sanaý kerek dedi.
«Jalpy, memlekettik baǵdarlamalar halyqty jarylqasa, áldeqashan jarylqaityn ýaqyty boldy ǵoi. Bizde otbasylyq institýttar aqsap jatyr. Adamdar materialdyq turǵydan ajyrasyp ketýde. San túrli memlekettik baǵdarlama bar. Olardyń birazynyń saiasaty durys emes.
«Baqytty otbasy» degen baǵdarlamany alaiyq. 2 paiyzdan bastalatyn nesiemen úi beremiz deidi. Biraq bankke barýyń, ákimdikke sandalyp, kezekke turý kerek. Olar kezekke turyp keledi, alǵashqy jarnasyn da tólep keledi, taǵyda tolyp jatqan qujattardy ótkizedi. Eń artynan, «biz jaǵdaiy joq, tolyq emes otbysyna beremiz» deidi.
Sodan adamdar amalsyz, «tolyq emes» degen mártebeni alý úshin qujat júzinde ajyrasady. Kópbalaly bola tura, ajyrasý kerek. Sonda úidi on, on bes jylǵa nesiege alý úshin ajyrasyp ketý kerek. Ne degen baǵdaralma bul?
Bul baǵdarlamany jasaǵan adamdy halyq jaýy dep tanýymyz kerek. Óitkeni, ol áreń kúnin kórip júrgen azamattardyń, otbasylardyń ajyrasýyna birden-bir sebepker bolyp keldi», -dedi ol.
Onyń sózinshe, kópbalaly degen qoǵamda teris uǵym qalyptastyrǵan. Úi-kúisiz, bala-shaǵasyn asyrai almai júrgen, kedei, bilimsiz, muqtajy degen uǵymdardy qoǵamǵa qalyptastyrdy. Bul durys emes.
Kerisinshe, kóp balasy bar januialardy dáriptep, ony mártebe retinde kórsetip qana qoimai, barynsha jaǵdai jasaý kerek.
Ol óziniń oiyn iske asyrý úshin Aqmola oblysynyń Arshaly aýdanynda arnaiy joba da bastaǵan.
«Baqytty otbasy» qalashyǵynda qazir 5 otbasy turyp jatyr. Eń azynda 5 bala, eń kóbinde 9 balaly januialar bar. Barlyǵy otyzǵa jýyq bala bar. Árqaisysyna 170 sharshy metrlik baspanany salyp, tatý-tátti turyp jatqan, balalaryna jaqsy tárbie, bilim bergen otbasylarǵa tegin tartý ettik.
Ol bizdiń komandanyń qoǵamǵa tigizip jatqan shaǵyn ǵana kómegi. Halyqqa arnalǵan paiyzsyz úi nemese paiyzsyz kólik alý degen birneshe jobany shyǵardyq. Bir adam úi, avtokólik alyp jatsa, men ózim balasha qýanamyn.
Óz jobamnyń avtory retinde aitar bolsam, qandai qiyndyq bolsa da ajyraspaǵan, mahabbattaryna berik otbasylarǵa úi berý. Sózben aityp qana qoimai, oryndadyq, berdik. Osyndai otbasylardyń qazaq elinde bar ekenin maqtanyshpen nasihattap jáne ony úlgi etip kórsetý.
Biraq jalaqyńyz úi men kólik alýǵa jetpeidi. Nege? Óitkeni sizge jetpeitindei qylyp eseptep qoiǵan. Siz nesiege kirýińiz kerek. Bankke baryp nesiemen úi alǵannan keiin, jasyńyz 25-te bolsa, tólep bitken kezde 50 jasqa kelesiz. Sonda úidi tólep bitken kezde, jalyndaǵan jastyq shaǵyńyz ótip ketedi. Odan keiin ainaǵa qarasańyz siz múlde basqa adamdy kóresiz. Biz bul dúniege nesie tóleýge keldik pe? Ómir súrýge keldik pe?. Qazaqtar ómirge neise tóleý úshin kelgen joq", - dep ashyndy Shúkenov.
