قازاق عالىمدارى ەڭ ٷزدٸك تەلەسكوپتارمەن جۇمىس ٸستەيدٸ
سەمينار بارىسىندا «ۇلتتىق عارىشتىق زەرتتەۋلەر مەن تەحنولوگييالار ورتالىعى» اق مەن جاپونييانىڭ ۇلتتىق استرونومييالىق وبسەرۆاتوريياسى اراسىندا ىنتىماقتاستىق جەنە ٶزارا تٷسٸنٸستٸك مەموراندۋمىنا قول قويىلدى.
«بۇل كەلٸسٸم بٸزدٸڭ عالىمدارعا ەلەمدەگٸ ەڭ ٷزدٸك تەلەسكوپتارمەن جۇمىس ٸستەۋگە مٷمكٸندٸك بەرەدٸ. جاپونييا مەن گاۆاي ارالدارىندا «سۋبارۋ» دەپ اتالاتىن تەلەسكوپتار ورنالاسقان. ولار ەلەمدەگٸ ەڭ ٷلكەن تەلەسكوپتار قاتارىنا جاتادى. ودان باسقا, مەموراندۋم وتاندىق جاس عالىمداردىڭ بٸلٸكتٸگٸن ارتتىرۋعا سەپتٸگٸن تيگٸزەدٸ», – دەدٸ ٶز سٶزٸندە ۆ. گ. فەسەنكوۆ اتىنداعى استروفيزيكا ينستيتۋتىنىڭ ديرەكتورى, فيزيكا-ماتەماتيكا عىلىمدارىنىڭ كانديداتى شىڭعىس وماروۆ. جاپوندىق عالىم, پروفەسسور كازۋحيرو سەكيگۋچي مۇنداي كەلٸسٸمگە جاپونييا ۇلتتىق وبسەرۆاتوريياسى دا مٷددەلٸ ەكەندٸگٸن جەتكٸزدٸ. ٶيتكەنٸ, عارىشتى تەلەسكوپتار ارقىلى زەرتتەۋدە قازاقستاننىڭ گەوگرافييالىق جاعدايى ٶتە قولايلى.
