جەتىسۋ وبلىسى اكىمىنىڭ وكىمىمەن ۇلان عالىم ۇلى رىسقۇل وبلىستىق دەنە شىنىقتىرۋ جانە سپورت باسقارماسىنىڭ باسشىسى بولىپ تاعايىندالدى، دەپ حابارلايدى Dalanews.kz.
بەلگىلى سپورتشى بۇعان دەيىن دە بۇل لاۋازىمدى اتقارعان. ول 2023 جىلدىڭ 16 ناۋرىزىندا باسشىلىققا كەلىپ، 2024 جىلى قىزمەتىنەن بوساتىلعان ەدى. سول ۋاقىتتان بەرى باسقارما باسشىسى ورنى بوس تۇرعان.
ۇلان رىسقۇل 1986 جىلى دۇنيەگە كەلگەن، بىرنەشە جوعارى ءبىلىمى بار. ءال-فارابي اتىنداعى قازاق ۇلتتىق ۋنيۆەرسيتەتىندە قۇقىقتانۋ ماماندىعىن، د.ا. قونايەۆ اتىنداعى كولىك جانە قۇقىق گۋمانيتارلىق ۋنيۆەرسيتەتىندە قارجى سالاسىن، ال ايماقتىق الەۋمەتتىك-يننوۆاسيالىق ۋنيۆەرسيتەتىندە دەنە شىنىقتىرۋ جانە سپورت ماماندىعىن ءتامامداعان.
ول – دزيۋدودان قازاقستاننىڭ ءۇش دۇركىن چەمپيونى، ازيانىڭ ەكى دۇركىن چەمپيونى، الەم كۋبوگىنىڭ كۇمىس جۇلدەگەرى، سونداي-اق قازاق كۇرەسىنەن ق ر سپورت شەبەرى. ۇلان رىسقۇل «قازاقستان بارىسى» ءتۋرنيرىنىڭ العاشقى جەڭىمپازى رەتىندە ەلگە تانىمال.
ەڭبەك جولىن استاناداعى سپورت ىستەرى كوميتەتىندە باستاپ، ۇلتتىق شتاتتىق كوماندادا نۇسقاۋشى-سپورتشى قىزمەتىن اتقارعان. كەيىن ءتۇرلى سپورتتىق ۇيىمداردا باسشىلىق قىزمەتتەردە بولعان. سونىمەن قاتار، ول «Qazaq kuresi» حالىقارالىق فەدەراسياسىنىڭ باس حاتشىسى لاۋازىمىن دا اتقارعان.
