پاۆلودار وبلىسى اۋىلدارىندا مەديتسينالىق نىساندار سالۋعا 228 ملن تەڭگە بٶلٸندٸ, – دەپ حابارلايدى Dalanews.kz.
ٷكٸمەت ەلٸمٸزگە قايتارىلعان زاڭسىز يەمدەنٸلگەن اكتيۆتەر ەسەبٸنەن ەلەۋمەتتٸك جوبالاردى جٷزەگە اسىرىپ جاتىر. پاۆلودار وبلىسىندا مەديتسينالىق نىساندار سالۋعا ارناۋلى مەملەكەتتٸك قوردان 228 ملن تەڭگەدەن اسا قارجى بٶلٸندٸ.
قاراجات ەكٸباستۇز, اقسۋ قالالارى اۋىلدىق وكرۋگٸندەگٸ, سونداي-اق, ەرتٸس, جەلەزين, تەرەڭكٶل اۋدانىنداعى جوبالاردى جٷزەگە اسىرۋعا باعىتتالادى.
"ەكٸباستۇز اۋىلدىق وكرۋگٸنٸڭ بەيەت اۋىلىندا 1983 جىلى پايدالانۋعا بەرٸلگەن جالعىز فاپ ورنىنا فەلدشەرلٸك-اكۋشەرلٸك پۋنكت سالۋ جوسپارلانىپ وتىر. ەسكٸ عيمارات جٶندەۋگە جارامسىز دەپ تانىلدى. بٷگٸندە ەلدٸ مەكەندە 822 ادام تۇرادى", - دەپ جازىلعان حابارلامادا.
ەرتٸس اۋدانىندا دەرٸگەرلٸك امبۋلاتورييا اشىلادى. نىسان سانيتارلىق تالاپتار مەن نورمالارعا ساي جابدىقتالادى. اۋدانداعى مەديتسينالىق پۋنكت مىڭنان اسا تۇرعانعا قىزمەت كٶرسەتەدٸ.
"قولدانىستاعى دەنساۋلىق ساقتاۋ نىساندارى شالعاي ورنالاسۋىنا بايلانىستى مىڭكٶل, يۆانوۆكا جەنە قۇركٶل اۋىلدارى دا جاڭا مەديتسينالىق نىساندار سالۋدى قاجەت ەتەتٸن ەلدٸ مەكەندەر تٸزٸمٸنە ەنگٸزٸلگەن. ولارعا ەڭ جاقىن اۋداندىق ەمحانا 18 شاقىرىمنان 115 شاقىرىمعا دەيٸنگٸ قاشىقتا ورنالاسقان. اۋىلداردا تۇرعىلىقتى جەرٸ بويىنشا مەديتسينالىق قىزمەت كٶرسەتەتٸن جاڭا مەديتسينالىق پۋنكتتەر سالىنادى", - دەپ جازىلعان حابارلامادا.
ايتا كەتەيٸك, پاۆلودار وبلىسىنىڭ ەلدٸ مەكەندەرٸندە 168 مىڭنان اسا تۇرعىن بار.
