الماتىدا «قايرات» پەن «رەالدىڭ» تاريحي ماتچى اياقتالدى. الماتىلىق كلۋب قاقپاسىنا جاۋاپسىز بەس گول سوعىلدى, دەپ حابارلايدى Dalanews.kz.
ويىن چەمپيوندار ليگاسىنىڭ جالپى كەزەڭٸنٸڭ ەكٸنشٸ تۋرى اياسىندا ٶتتٸ. العاشقى مينۋتتاردان باستاپ الاڭعا قوس كوماندانىڭ باستى جۇلدىزدارى – كيليان مباپپە, ۆينيسيۋس جۋنيور, داستان سەتپاەۆ جەنە شەرحان قالمىرزا شىقتى. العاشقى تايمنىڭ سوڭىنا قاراي ەسەپ «رەالدىڭ» پايداسىنا 0:1 بولدى.
بٸرٸنشٸ تايمداعى جالعىز گولدى فرانتسۋز شابۋىلشىسى كيليان مباپپە سوقتى. ول 25-مينۋتتا 11 مەترلٸك ايىپ دوبىن سەتتٸ جٷزەگە اسىردى.
ەكٸنشٸ تايمدا مباپپە تاعى ەكٸ مەرتە كٶزگە تٷستٸ – 52 جەنە 74 مينۋتتاردا سوققان گولدارىمەن ەسەپتٸ 3:0-گە جەتكٸزدٸ.
فرانتسۋز فورۆاردىنىڭ ەكٸ گولىنىڭ اراسىندا تٶرەشٸ «رەال» قاقپاسىنا پەنالتي بەلگٸلەدٸ, بٸراق بەينەتاسپاعا جٷگٸنگەننەن كەيٸن شەشٸمٸن ٶزگەرتٸپ, ايىپ دوبىن جوققا شىعاردى.
«قايراتتىڭ» باپكەرٸ رافاەل ۋرازباحتين ويىن بارىسىن ٶزگەرتۋگە تىرىسىپ, الاڭعا بايبەكتٸ, ەدميلسوندى, ستانوەۆتٸ, ريكاردينونى جەنە جاراقاتىنان كەيٸن ۇزاق ۋاقىت ويناماعان زارييانى شىعاردى. دەگەنمەن بۇل كەزدەسۋدٸڭ تاعدىرىن ٶزگەرتە المادى.
83-مينۋتتا ەدۋاردو كاماۆينگا «قايرات» قاقپاسىنا تٶرتٸنشٸ گولدى سوقتى. بۇل دا سوڭعى گول بولمادى.
قوسىمشا ۋاقىتتا برايم دياس بەسٸنشٸ گولدى سوعىپ, ماتچتاعى سوڭعى نٷكتەنٸ قويدى.
كەزدەسۋ «رەالدىڭ» پايداسىنا 5:0 ەسەبٸمەن اياقتالدى.
ەسكە سالا كەتەيٸك, مادريدتٸك «رەال» تاريحىندا العاش رەت قازاقستان اۋماعىندا رەسمي ويىن ٶتكٸزدٸ. ال الماتىلىقتار ٷشٸن ەۋروپانىڭ ەڭ تيتۋلدى كلۋبىمەن ٶتكەن بۇل كەزدەسۋ چەمپيوندار ليگاسىنىڭ جالپى كەزەڭٸندەگٸ العاشقى ٶز الاڭىنداعى ماتچ بولدى.
بۇعان دەيٸن سپورت ساراپشىلارى Dalanews.kz-كە بەرگەن سۇقباتىندا “قايرات” پەن “رەال مادريد” ماتچىنا بولجام جاسادى.
