دەپۋتاتتىققا تۇسەتىنى بەلگىلى بولعان ءانشى قايرات نۇرتاستىڭ «دەپۋتات بولسام، ونەردەن كەتەمىن» دەگەن ءسوزىن كوپشىلىك تۇسىنە المادى. قايراتتىڭ حالىق قالاۋلىسى بولعىسى كەلگەن نيەتىن دە كەيبىرەۋلەر قولداعان جوق.

دەگەنمەن، «ول نەگە ونەردەن كەتپەك؟» دەگەن ساۋال تانىمال ءانشىنىڭ تىڭدارماندارىنا مازا بەرمەگەنى انىق ەدى.

بۇل تاراپتا «Dalanews.kz»-كە اتالعان ماسەلەگە قاتىستى پىكىر بىلدىرگەن قايرات نۇرتاس:  «ونەردەن كەتۋ تۋرالى وي مەندە مۇلدەم جوق! ورىس باسىلىمدارى مەنىڭ ءسوزىمدى بۇرمالاپ جىبەرگەن. سول-اق ەكەن كوپشىلىك اراسىنا «قايرات انشىلىكپەن قوش ايتىسادى» دەگەن اڭگىمەلەر تاراپ كەتتى. بۇل شىندىققا جاناسپايتىن اقپارات. حالىق قالاۋلىسى بولعان كۇننىڭ وزىندە دە ونەردەن الىستامايمىن. ەلىمنىڭ، تىڭدارماندارىمنىڭ ورتاسىندا بولامىن. الاڭداماڭىزدار!»، – دەدى.