Depýtattyqqa túsetini belgili bolǵan ánshi Qaırat Nurtastyń «depýtat bolsam, ónerden ketemin» degen sózin kópshilik túsine almady. Qaırattyń halyq qalaýlysy bolǵysy kelgen nıetin de keıbireýler qoldaǵan joq.

Degenmen, «ol nege ónerden ketpek?» degen saýal tanymal ánshiniń tyńdarmandaryna maza bermegeni anyq edi.

Bul tarapta «Dalanews.kz»-ke atalǵan máselege qatysty pikir bildirgen Qaırat Nurtas:  «Ónerden ketý týraly oı mende múldem joq! Orys basylymdary meniń sózimdi burmalap jibergen. Sol-aq eken kópshilik arasyna «Qaırat ánshilikpen qosh aıtysady» degen áńgimeler tarap ketti. Bul shyndyqqa janaspaıtyn aqparat. Halyq qalaýlysy bolǵan kúnniń ózinde de ónerden alystamaımyn. Elimniń, tyńdarmandarymnyń ortasynda bolamyn. Alańdamańyzdar!», – dedi.