پرەمەر-مينيستردٸڭ ورىنباسارى ەرمەك كٶشەرباەۆ پەريزات قايرات پەن ونىڭ اناسى عايني الاشباەۆانىڭ ٸسٸنە بايلانىستى پٸكٸر بٸلدٸردٸ, دەپ حابارلايدى Dalanews.kz.
ٷكٸمەتتەگٸ باسپاسٶز مەسليحاتىندا جۋرناليستەر ۆيتسە-پرەمەردەن اتىشۋلى “Biz Birgemiz” قورىنىڭ تٶڭٸرەگٸندەگٸ جانجالدان كەيٸن قايىرىمدىلىق ۇيىمدارىنا تەكسەرۋ جٷرگٸزٸلە مە دەپ سۇرادى. ەرمەك كٶشەرباەۆ بۇل سالادا الاڭداتارلىق جايتتار كٶپ ەكەنٸن جاسىرمادى.
“ەرينە, بۇل مەسەلە بەرٸمٸزدٸ الاڭداتادى. شىن مەنٸندە كٶمەك كٶرسەتٸپ جٷرگەن جاقسى قورلار بار. بٸراق ٶكٸنٸشكە قاراي, ەلەۋمەتتٸك جەلٸدە قايىرىمدىلىقتى بەتپەردە ەتٸپ, سەنٸمگە كٸرٸپ كەتكەندەر دە جوق ەمەس. بۇل تەك قورلارعا عانا ەمەس, جەكەلەگەن ازاماتتارعا دا قاتىستى. كەيبٸرٸ سۋرەت جارييالاپ, جۇرت سول سەتتە اقشا اۋدارىپ جاتادى. الايدا بۇل قاراجات قايدا كەتەتٸنٸن ەشكٸم ناقتى بٸلمەيدٸ”, – دەدٸ قوشەرباەۆ.
ونىڭ ايتۋىنشا, قازٸرگٸ زاڭناما قايىرىمدىلىق قورلارىنىڭ ٸشكٸ جۇمىسىنا مەملەكەت تاراپىنان ارالاسۋدى قاراستىرمايدى. سوندىقتان بۇل سالاعا زاڭنامالىق تۇرعىدان ٶزگەرٸس ەنگٸزۋ قاجەت.
“بۇل باعىتتاعى قىزمەت تولىقتاي دەرلٸك رەتتەلمەگەن. قاراجاتتىڭ ناقتى قايدا كەتٸپ جاتقانىن باقىلاۋ قيىن. قورلاردىڭ جۇمىسىنا مەملەكەت ٸس جٷزٸندە ارالاسپايدى. ولار كٶبٸنە ازاماتتىق نەمەسە جەكە باستامالار”, – دەدٸ ول.
كٶشەرباەۆ پەريزات قايراتتىڭ ٸسٸ جالعىز وقيعا ەمەس ەكەنٸن دە اتاپ ٶتتٸ.
“مۇنداي جاعدايلار تەك قۇقىق قورعاۋ ورگاندارى ارالاسقاننان كەيٸن عانا جارييا بولادى. بٸز تەك بەتٸنە شىققان جاعدايلاردى كٶرٸپ وتىرمىز. باسقا دا قورلار بار. كەيبٸرەۋلەر بۇل ٸسپەن كٷنكٶرٸس كٶزٸ رەتٸندە اينالىسسا, ەندٸ بٸرٸ شىنىمەن ۆولونتەرلەرمەن بٸرگە ناقتى كٶمەك كٶرسەتٸپ جٷر”, – دەدٸ ۆيتسە-پرەمەر.
ول الداعى ۋاقىتتا زاڭناماعا ناقتى ٶزگەرٸستەر ەنگٸزۋ كٶزدەلٸپ وتىرعانىن جەتكٸزدٸ.
“بٸز بۇل سالانى جان-جاقتى زەرتتەپ, قاجەتتٸ ٶزگەرٸستەردٸ دايىندايمىز. سودان كەيٸن بۇل ٶزگەرٸستەر قوعامدىق تالقىلاۋعا ۇسىنىلىپ, پارلامەنت قاراۋىنا جٸبەرٸلەدٸ. بۇل باعىتتى مٸندەتتٸ تٷردە رەتتەۋ قاجەت. ازاماتتار ٶز اقشاسىنىڭ قايدا كەتكەنٸن, كٸمگە ناقتى كٶمەك كٶرسەتٸلگەنٸن بٸلٸپ وتىرۋى كەرەك. بٸزدٸڭ قوعامدا جومارت ازاماتتار كٶپ, ەركٸم كٶمەكتەسكٸسٸ كەلەدٸ. ال مەملەكەتتٸڭ مٸندەتٸ – شىنىمەن پايدالى ٸسكە جۇمىس ٸستەيتٸن قورلارعا قولداۋ كٶرسەتۋ”, – دەدٸ ەرمەك كٶشەرباەۆ.
ەسكە سالا كەتسەك, بۇعان دەيٸن پروكۋراتۋرا پەريزات كايراتقا 10 جىل باس بوستاندىعىنان ايىرۋ, مٷلكٸن تەركٸلەپ, 10 جىل بويى قايىرىمدىلىقپەن اينالىسۋعا تىيىم سالۋدى سۇراعان بولاتىن. اناسى عايني الاشباەۆاعا 8 جىلعا باس بوستاندىعىنان ايىرۋ جازاسى سۇرالدى. ايىپتالۋشىلار ٶز كٸنەلارىن مويىنداعان جوق. سوت پروتسەسٸ جالعاسىپ جاتىر.
