بٸرنەشە جىل بويى جامبىل وبلىسىنىڭ تۇرعىندارى مەن كەسٸپكەرلەرٸن قورقىتىپ كەلگەن ۇيىمداسقان قىلمىستىق توپ قۇرىقتالدى, دەپ حابارلايدى Dalanews.kz.
2023 جىلدىڭ سەۋٸر ايىندا وبلىس پروكۋراتۋراسىنىڭ ٷيلەستٸرۋٸمەن وبلىستىق پد-نٸڭ قىزمەتكەرلەرٸ جەدەل ٸس-شارالار كەشەنٸ نەتيجەسٸندە جامبىل وبلىسىندا تۇراقتى قىلمىستىق توپتى ەشكەرەلەدٸ.
بۇرىن سوتتى بولعان 7 ادامنان تۇراتىن بۇل قىلمىستىق توپ 2 جىل بويى قايىرىمدىلىق قوردىڭ اتىن جامىلىپ, كەسٸپكەرلەردٸ قورقىتۋ جەنە ولارعا كٷش قولدانۋ ارقىلى بوپسالاۋ, قارىزدى مەجبٷرلەپ ٶندٸرٸپ الۋ جەنە قورعانشىلىق كٶرسەتۋمەن اينالىسقان.
ۇيىمداسقان قىلمىستىق توپتى ۇيىمداستىرۋشىنىڭ جوسپارىن جٷزەگە اسىرۋ ماقساتىندا بٸرقاتار قىلمىستاردىڭ مەن-جايى انىقتالدى, وعان قاتىسۋشىلار (مٷشەلەر) اراسىنداعى تىعىز قارىم-قاتىناس جەنە ولاردىڭ ٸس-ەرەكەتٸن ٷيلەستٸرۋ بەلگٸلەندٸ.
مىسالى, ۇيىمداسقان قىلمىستىق توپتىڭ مٷشەلەرٸ كٶشباسشىنىڭ نۇسقاۋى بويىنشا, ٶزٸنە جەنە توپتىڭ قاتىسۋشىلارىنا ماتەريالدىق پايدا تابۋ ماقساتىندا, قارىز مەسەلەسٸن شەشۋ ٷشٸن مەركٸ اۋدانىندا كٷش قولدانۋ ارقىلى ەكٸ جەبٸرلەنۋشٸدەن 1 ملن تەڭگە سوماسىنداعى اقشا قاراجاتتارىن جەنە جەكە باسىنا تۇتىنۋ ٷشٸن 10 كەلٸ ەسٸرتكٸ زاتتارىن تالاپ ەتكەن.
جەبٸرلەنۋشٸلەردٸڭ بٸرٸ ٶمٸرٸ مەن دەنساۋلىعى ٷشٸن قورقىپ, «Kaspi» قوسىمشاسى ارقىلى 500 000 تەڭگە كٶلەمٸندە قاراجات اۋدارعان. بۇل قاراجات ۇيىمداسقان قىلمىستىق توپتىڭ قاتىسۋشىلارى اراسىندا بٶلٸنگەن.
وسى تەكتەس قىلمىستىق سحەما 4 كەسٸپكەرگە دە قاتىستى ورىن العان.
21 قاڭتاردا سوت تالقىلاۋىنىڭ قورىتىندىسى بويىنشا جامبىل وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ۇيىمداسقان قىلمىستىق توپتىڭ باسشىسى مەن مٷشەلەرٸنە قاتىستى ايىپتاۋ ٷكٸمٸن شىعاردى.
سوت ٷكٸمٸمەن ۇيىمداسقان قىلمىستىق توپتىڭجەتەكشٸسٸ 11 جىلعا, باسقا قاتىسۋشىلار 8 جىلدان 10 جىلعا دەيٸن باس بوستاندىعىنان ايىرىلدى.
سوتتالعانداردىڭ كٸنەسٸ جاسىرىن تەرگەۋ ەرەكەتتەرٸنٸڭ نەتيجەلەرٸ مەن قىلمىستىق ٸستٸڭ باسقا دا ماتەريالدارىمەن تولىق دەلەلدەندٸ.
سوت ٷكٸمٸ زاڭدى كٷشٸنە ەنگەن جوق.
