24 اقپاندا ەۋرووداق كەڭەسٸ ۋكرايناعا جاسالعان ەسكەري شابۋىلدىڭ ٷش جىلدىعىنا وراي رەسەيگە سالعان كەزەكتٸ 16-سانكتسييالار تٸزٸمٸنە قازاقستاننىڭ ەكٸ كومپانيياسى دا ەندٸ. ولار - Kazstanex جەنە MetallStan. بۇل ەكٸ كومپانييا الدىنداعى, 2024 جىلعى سانكتسييالار تٸزٸمٸندە دە بولعان, دەپ جازادى Dalanews.kz.
الماتىدا تٸركەلگەن "Kazstanex" جشس ستانوك جەنە ٶنەركەسٸپ جابدىقتارىن جەتكٸزۋمەن اينالىسادى.
"MetallStan" جشس بولسا, اشىق دەرەككٶزدەردەگٸ مەلٸمەت بويىنشا, 2012 جىلى مامىردا تٸركەلگەن, قىزمەت تٷرٸ - قانداي دا بٸر ناقتىلاۋسىز تاۋارلاردىڭ كەڭ اسسورتيمەنتٸنٸڭ كٶتەرمە ساۋداسى. كومپانييا 2023 جىلى 9,29 ملن تەڭگە, 2024 جىلى 6,4 ملن تەڭگە سالىق تٶلەگەن.
سونىمەن قاتار, Kazstanex ديرەكتورى ۆاسيليي ابراموۆ الدىندا ۇلىبريتانييا ەنگٸزگەن سانكتسييالار تٸزٸمٸندە دە بولعان. قۇجاتتا كومپانييا رەسەيدٸڭ قورعانىس سەكتورىنا ستانوكتار جەتكٸزۋمەن اينالىساتىنى كٶرسەتٸلگەن. سونداي-اق, بۇل تٸزٸمدە رەسەيدەگٸ ەكسپوبانكتٸڭ قوجايىنى يگور كيم دە جٷر, ول قازاقستانداعى "بەرەكە" ميكرو قارجىلىق ۇيىمنىڭ (مقۇ) جالعىز اكتسيونەرٸ بولىپ تابىلادى. ول بۇعان دەيٸن مقۇ-نى بانككە اينالدىرۋ تۋرالى جوسپارى بارىن ايتقان بولاتىن.
ايتا كەتسەك,كەزەكتٸ سانكتسيياسىمەن ەو رەسەيدٸڭ 13 بانكٸنە شەكتەۋلەر ەنگٸزدٸ. وعان سەيكەس, 2025 جىلدىڭ 17 ناۋرىزىنان باستاپ "ۋرالسيب", "توچكا", "سينارا", "اك بارس", روسەكسيمبانك, ۇلتتىق رەزەرۆ بانك, پريمسوتسبانك, ببر بانك, كۋزنەتسكبيزنەسبانك, "مير بيزنەس بانك" جەنە "كۋبان كرەديت" SWIFT تٶلەم جٷيەسٸنەن اجىراتىلادى.
سونداي-اق, رەسەي ەسكەري-ٶنەركەسٸپتٸك كەشەنٸن قولدايتىن جەنە رەسەي فەدەراتسيياسىنا سانكتسييالاردى اينالىپ ٶتۋگە كٶمەكتەسەتٸن 53 جاڭا سۋبەكت انىقتالدى.
بۇل سۋبەكتٸلەردٸڭ دە تٸزٸمٸ ەلٸ جارييالانعان جوق, بٸراق ولاردىڭ ٷشتەن بٸرٸ رەسەيلٸك, ال قالعاندارى ٷشٸنشٸ ەلدەردە, سونىڭ ٸشٸندە قىتايدا, ٷندٸستاندا, قازاقستاندا, سينگاپۋردا, تٷركييادا, باە جەنە ٶزبەكستاندا ورنالاسقان.
قوس ماقساتتاعى, سونداي-اق رەسەيدٸڭ قورعانىس جەنە قاۋٸپسٸزدٸك سەكتورىن تەحنولوگييالىق جاعىنان جەتٸلدٸرۋگە ىقپال ەتەتٸن تاۋارلار مەن تەحنولوگييالاردى قامتيتىن بۇل سۋبەكتٸلەر قاتاڭ ەكسپورتتىق شەكتەۋلەرگە ۇشىرايتىنى ناقتىلانادى.
بۇعان دەيٸن ەۋرووداقتىڭ رەسەيگە سالعان كەزەكتٸ سانكتسيياسىنا قازاقستاندىق كومپانييالار دا ٸلٸنگەنٸن جازعانبىز. الايدا قانداي كومپانييالار ەكەنٸ ول كەزدە ەلٸ بەلگٸسٸز ەدٸ.
