بەلگٸلٸ ەزٸلكەش قايرات ەدٸلگەرەي ەلەۋمەتتٸك جەلٸدە كٷي اتاسى قۇرمانعازى ساعىربايۇلى تۋرالى ايتقان پٸكٸرٸ ٷشٸن كەشٸرٸم سۇرادى, دەپ حابارلايدى Dalanews.kz.
“كەيٸنگٸ بٸر-ەكٸ كٷندە ەلەۋمەتتٸك جەلٸدە قۇرمانعازى اتامىز تۋرالى ايتقان پٸكٸرٸم قاتتى تالقىعا تٷسٸپ جاتىر. تٸپتٸ ورال قالاسىنىڭ اقساقال القابيلەرٸ جينالىپ, وسى ۆيدەوداعى ايتىلعان سٶزگە نارازىلىق بٸلدٸرٸپ, تٸپتٸ مەنٸ سوتقا بەرمەك ەكەن. وسى رەتتە مەن ٶزٸمنٸڭ قاتەلٸگٸمدٸ مويىندايمىن. بۇل وسىدان ٷش-تٶرت جىل بۇرىن پودكاستتا ايتىلعان ەڭگٸمە بولاتىن”, - دەيدٸ ول.
ەزٸلكەش تاريحي ورىنداردى ارالاپ, بابالار رۋحىنا قۇران باعىشتاۋدى دەستٷرگە اينالدىرعانىن اتاپ ٶتتٸ.
“جالپى مەن ٶزٸم جٷرگەن جەردە بابالاردىڭ باسىنا بارىپ, ارۋاقتارىنا قۇران باعىشتاپ, تاريحي جەرلەردٸ ارالاعاندى جاقسى كٶرەمٸن. كەز كەلگەن تاريحي جەردە شىراقشى, ەكسكۋرسوۆود, ياعني تاريحشى بولادى. مەن بۇل ەڭگٸمەنٸ سونداي بابامىزدىڭ باسىنداعى شىراقشىنىڭ ٶز اۋزىنان ەستٸگەنمٸن”, - دەدٸ ول.
ول پودكاست بارىسىندا ەستٸگەن اقپاراتتى جاستار تٸلٸمەن ەركٸن ەرٸ دٶرەكٸ فورماتتا جەتكٸزگەنٸن العا تارتتى.
“ونى مەن مويىندايمىن, ول مەنٸڭ ٷلكەن بٸر قاتەلٸگٸم. ٶزدەرٸڭٸز بٸلەتٸندەي, پودكاست ٶتە ەركٸن فورماتتا جٷرگٸزٸلەتٸن سۇحبات. سوندىقتان ٶزٸمدٸ كٸشكەنە ەركٸنسٸپ, ەموتسيياعا بەرٸلٸپ, وسى بٸر ەستٸگەن اقپاراتىمدى قاتە, دۇرىس ەمەس جەتكٸزدٸم”, - دەپ قوستى ول.
سونداي-اق ول اقساقالداردىڭ تالابىن ورىنداۋعا دايىن ەكەنٸن ايتىپ, 15 اقپاندا استراحان ٶڭٸرٸنە بارىپ, قۇرمانعازى بابانىڭ باسىنا زييارات جاساپ, قۇران باعىشتايتىنىن مەلٸمدەدٸ.
“وسى ەكٸ-ٷش كٷندە پاۆلودار اۋىلىنا, ياعني اۋدانىنا بارىپ, بابامىزدىڭ باسىنا قۇران باعىشتاپ, سول جەردەگٸ بارلىق جاعدايدى, ماعلۇماتتى, مەلٸمەتتٸ سٸزدەرگە تٷسٸندٸرەمٸن. سٷرٸنبەيتٸن تۇياق, جاڭىلمايتىن جاق جوق دەيدٸ. سٸزدەردەن كەشٸرٸم ٶتٸنەمٸن جەنە بابامىزدىڭ باسىنا بارعان كەزدە تاعى دا تولىققاندى ۆيدەونى سٸزدەرگە تٷسٸرٸپ جەتكٸزەمٸن”, - دەدٸ ول.
ايتا كەتەيٸك, بۇعان دەيٸن كەسٸپكەر احمەتبەك نۇرسيلا ەزٸلكەش قايرات ەدٸلگەرەيدٸڭ قۇرمانعازى ساعىربايۇلىنا قاتىستى ايتقان پٸكٸرٸن سىنعا العان ەدٸ.
داۋدىڭ تۋۋىنا ەزٸلكەشتٸڭ قۇرمانعازى تۋرالى كينو تٷسٸرۋ تاقىرىبىندا ايتقان پٸكٸرٸ سەبەپ بولعان. ونىڭ سٶزٸنشە, تاريحي تۇلعالاردى تەك بٸر قىرىنان عانا ەمەس, باسقا قىرىنان دا اشىپ كٶرسەتۋ كەرەك. وسى ويدى جەتكٸزۋ بارىسىندا ول قۇرمانعازىنىڭ ٶمٸرٸنە قاتىستى داۋلى سيپاتتامالار ايتقان.
احمەتبەك نۇرسيلا بۇل پٸكٸرگە جاۋاپ بەرٸپ, مۇنداي مەلٸمدەمەلەردٸ ورىنسىز دەپ باعالادى. ول تانىمال تۇلعالاردىڭ ساحناعا شىعىپ, كينوعا تٷسٸپ, توي جٷرگٸزٸپ جٷرگەنٸن اتاپ ٶتٸپ, قوعام الدىندا جاۋاپكەرشٸلٸك بولۋى كەرەگٸن ايتتى.
سونداي-اق كەسٸپكەر قۇرمانعازىنىڭ ەسٸمٸنە قاتىستى ايتىلعان سٶزدەر ٷشٸن قۇقىقتىق باعا بەرۋ قاجەت ەكەنٸن مەلٸمدەپ, بۇل مەسەلەنٸ قوعامدىق دەڭگەيدە تالقىلاۋعا شاقىردى.
